អ្នកប្រដាល់មាឌល្អិតចិត្តធំ ម៉ន សាម៉េត ទម្ងន់៥៦,៨ គីឡូក្រាម បានចាញ់កីឡាករម្ចាស់ផ្ទះមីយ៉ាន់ម៉ា Mite Yine ត្រឹម ៥៦,៤ ប៉ុណ្ណោះ កាលពីម្សុិលមុិញ សម្រាប់ការប្រកួតមិត្តភាពអន្តរជាតិសង្វៀន WLC។
អ្នកលេងគុនខ្មែរ ម៉ន សាម៉េត មកពីព្រែកឯងចាញ់ពិន្ទុកីឡាករលំដាប់លេខ១ Mite Yine ក្នុងជំនួបមិត្តភាពអន្តរជាតិកម្មវិធី WLC បើទោះជាចាញ់ពិន្ទុមែនពិត ប៉ុន្តែអ្នកលេងគុនខ្មែររូបនេះធ្វើបានល្អណាស់ ការវ៉ៃចេញ និងទប់ទល់ពីស្នៀតរបស់ដៃគូគឺបានល្អ ហើយវ៉ៃបកវិញភ្លាមៗមិនឲ្យចាញ់ចិត្តនោះឡើយ។
សាម៉េត ចេះប្រើស្នៀតបុកក្បាលថែមទៀតផង ធ្វើឲ្យកីឡាករម្ចាស់ផ្ទះ Mite Yine ក៏ប្រុងប្រយ័ត្ន និងគេចពីស្នៀតរបស់អ្នកប្រដាល់មកពីព្រែកឯងខាងលើនេះដែរ។ បើទោះជាលើកទី១របស់កីឡាករ ម៉ន សាម៉េត មែនពិត ប៉ុន្តែប្រកួតនេះរូបគេធ្វើបានល្អ ចាញ់ឈ្នះគ្នាប្រផឹតប្រផើយប៉ុណ្ណោះ៕
ម៉ន សាម៉េត ចាញ់ពិន្ទុម្ចាស់ផ្ទះមីយ៉ាន់ម៉ា Mite Yine នៅសង្វៀន WLC កាលពីម្សុិលមុិញ
អត្ថបទទាក់ទង