កីឡាករកម្ពុជា ចាន់ រតនា បានយកឈ្នះលើដៃគូ Rudy Agustian ដែលជាម្ចាស់ផ្ទះបានហើយ ក្នុងការប្រកួត ONE Championship កាលពីមុននេះបន្តិច ធ្វើឱ្យប្រជាជនកម្ពុជា មានមោទនភាពខ្លាំងមែនទែន។
អ្នកគាំទ្រនៅកម្ពុជាកំពុងតាមដានយ៉ាងយកចិត្តទុកដាក់រាល់ព័ត៌មានតាមបណ្ដាញសង្គម ព័ត៌មានអនឡាញ ទូរទស្សន៍ និង កាសែតមុនការប្រកួតរវាងជើងខ្លាំង Rudy Agustian និង ខ្ចីចាស់ ចាន់ រតនា នៅលើសង្វៀន ONE: FOR HONOR កាលពីថ្ងៃទី ៣ ខែ ឧសភា ឆ្នាំ ២០១៩ កន្លងមក នារដ្ឋធានី ហ្សាកាតា ប្រទេស ឥណ្ឌូណេស៊ី ។
ចាន់ រតនាថា ៖ ខ្ញុំដឹងក្បាច់ដៃគូ គេមានកម្លាំងខ្លាំង ទើបទឹក១វាយទប់ ទឹក២ វាយផ្ដាច់ ទើបខ្ញុំឈ្នះសម្រាប់បច្ចេកទេសវាយដែលទទួលបានជ័យជម្នះនេះ ហើយខ្ញុំបានព្យាយាមការហ្វឹកហាត់យ៉ាងដិតដល់ផងដែរ។ ជាពិសេសបច្ចេកទេសដោះឃ្លេ និងមើលដៃគូតែម្ដង។
កីឡាករវ័យ៣៣ឆ្នាំបន្ថែមថា លោកដឹងទឹកទី១ Rudy នឹងប្រើកម្លាំងខ្លាំង ដើម្បីផ្ដួលរូបគេ ទើបបានជា រតនា ព្យាយាមវាយទប់ មិនប្រឹងខ្លាំង ដើម្បីអស់កម្លាំងនោះទេ។ រង់ចាំទឹកទី២ ដែល Rudy រាងអស់កម្លាំងបន្តិចនោះ ទើបរូបគេ ដែលខំប្រមូលកម្លាំងតាំងពីទឹក១មកនោះ វាយផ្ដាច់ទឹកនេះ ដើម្បីយកជ័យជម្នះតែម្ដង។ ជាលទ្ធផល គឺបានសម្រេចមែន រហូតទទួលបានជ័យជម្នះយ៉ាងធំធេងដូច្នេះ។
កីឡាករកម្ពុជា ចាន់ រតនា បានយកឈ្នះលើដៃគូ Rudy នៅលើសង្វៀន ONE: FOR HONOR កាលពីថ្ងៃទី ៣ ខែ ឧសភា
អត្ថបទទាក់ទង