កីឡាករ សុខ ធី ឬ កាកា នឹងត្រូវប៉ះកីឡាករលំដាប់លេខ១ ថៃ រ៉តថាំង (Rodtang) ដែលគេនិយមហៅថា អ្នកប្រដាល់ដែកថែប នៅក្នុងស្ថាប័នលំដាប់ពិភពលោក ONE Championship នៅ Impact Arena តំបន់មឿងថងថានី ភាគខាងជើងក្រុងថេប ប្រទេសថៃ នៅថ្ងៃទី១០ខែក្រោយនេះ។
ដូចដែលបងប្អូនអ្នកគាំទ្រវិស័យប្រដាល់គុនខ្មែរបានដឹងហើយថា: ដោយសារតែសន្ទុះនៃអ្នកគាំទ្ររវាងកីឡាករទាំង២ បានហក់ខ្លាំងមិនគួរឲ្យជឿ ទាំងនៅកម្ពុជា និងនៅថៃ ទើប ONE Championship ផ្ដល់ឱកាសឲ្យបងប្អូនខ្មែរដែលរស់នៅប្រទេសថៃ អាចចូលរួមទស្សនាការប្រកួតដ៏អស្ចារ្យនេះ ដោយមិនគិតថ្លៃ ដោយគ្រាន់តែបំពេញឈ្មោះ លេខទូរសព្ទ email និងព័ត៌មានមួយចំនួនទៀត ជាការស្រេច។
នេះជាសកម្មភាពរបស់ សុខ ធី អ្នកប្រដាល់មកពីខេត្តបន្ទាយមានជ័យ កំពុងតែហ្វឹកហាត់កាលនៅខ្មែរ ក្នុងក្លឹបប្រដាល់ Cambodian Top Team ប៉ុន្មានថ្ងៃមុននេះ។ វីដេអូនេះដែរ គឺអ្នកប្រដាល់ល្បីឈ្មោះរបស់កម្ពុជារូបនេះ កំពុងហ្វឹកហាត់ជាមួយលោកគ្រូ សាន សៅយ៉ាន់ និងការរៀនចាប់ឡាំជង្គង់ជាមួយកីឡាករដទៃទៀតក្នុងក្លឹបផងដែរ៕
សុខ ធី ព្យាយាមហ្វឹកហាត់ជាមួយលោកគ្រូសាន សៅយ៉ាន់ មុនប៉ះ Rodtang នៅក្នុងស្ថាប័នលំដាប់ពិភពលោក ONE Championship
អត្ថបទទាក់ទង