អ្នកលេងគុនខ្មែរវ័យក្មេងរបស់កម្ពុជា សុខ ធី ចាញ់ជើងខ្លាំងថៃ Rodtang ទឹកទី២ ក្នុងកម្មវិធីប្រដាល់អន្តរជាតិកម្រិតអាស៊ី ONE Championship ឯប្រទេសថៃ ប៉ុន្តែជើងខ្លាំងប្រចាំប្រទេសកម្ពុជាចាន់ រតនា ជាកីឡាករគុនជម្រុះបទពិសោធជោគជាំបានទទួលជ័យជម្នះលើម្ចាស់ផ្ទះ Rudy Agustian បានហើយ ក្នុងការប្រកួត ONE: FOR HONOR របស់ ONE Championship នៅឥណ្ឌូណេស៊ី។
អ្នកប្រដាល់ដើមកំណើតមកពីខេត្តបន្ទាយមានជ័យ សុខ ធី ចាញ់ការប្រកួតមិត្តភាពអន្តរជាតិជាមួយកីឡាករថៃ Rodtang ដោយសន្លប់ក្នុងទឹកទី២។ កីឡាករកម្ពុជារូបនេះបណ្ដោយឲ្យកីឡាករថៃខាងលើទាត់ចូលច្រើនពេកក្នុងទឹកទី១ រហូតត្រូវអាជ្ញាកណ្ដាលរាប់ម្ដងដោយសារតែខូចជើង ប៉ុន្តែចប់ទឹកទាន់ហើយឈានដល់ទឹកទី២ ក៏ត្រូវជើងខ្លាំងម្នាក់នេះផ្ដួលឲ្យសន្លប់តែម្ដង។
ចំណែកឯកីឡាករកម្ពុជាយើងរវាងជើងខ្លាំងចាន់ រតនា នឹង Rudy Agustian វីញវាយគ្នាពិតជាល្អមើលមែនទែន ដែលធ្វើឱ្យអ្នកចូលរួមទស្សនាយ៉ាងច្រើនកុះករ ស្រែកហ៊ោសឹងតែបែកកន្លែងប្រកួតនេះទៅហើយ។ យ៉ាងណាមិញ នៅតង់ទី២ រតនា វាយមិនដកដៃឡើយ រហូតទទួលបានជ័យជម្នះលើ Rudy ដែលជាម្ចាស់ផ្ទះនេះតែម្ដង។ ដូច្នេះរវាងការប្រកួតប្រដាល់ទាំងពិរគូរនេះពិតជាល្អមើលដូចគ្នា៕
សុខ ធី ចាញ់ជើងខ្លាំងថៃ Rodtang តែចាន់ រតនា យកឈ្នះជើងខ្លាំងឥណ្ឌូណេស៊ី Rudy
អត្ថបទទាក់ទង
