កីឡាការិនីឆ្នើមរបស់កម្ពុជា នៅ ស្រីពៅ ថាបើកដាក់ចិត្តជាអ្នកវ៉ៃ ឬជាអ្នកប្រដាល់ហើយកុំខ្លាចដៃគូ កុំខ្លាចការប្រកួត បើខ្លាចហើយគឺធ្វើអ្វីមិនចេញនោះទេ។ ម្ចាស់មេដាយប្រាក់ជើងឯកថ្នាក់ជាតិ ២០១៨ ខាងលើនេះបានឲ្យដឹងថា សម្រាប់ការប្រកួតតទល់លើកក្រោយៗទៀតខ្ញុំសង្ឃឹមថានឹងយកឈ្នះដៃគូរទោះជាពួកគាត់ខ្លាំងបែបណាក៏ដោយ ឬមើលទៅដៃគូសមត្ថភាពមិនធម្មតាយ៉ាងក្តី។
បើទោះជាឃើញថា សមត្ថភាព Priscilla Hertati ល្អយ៉ាងណាក៏ដោយ អ្នកប្រយុទ្ធតំណាងឲ្យកម្ពុជាខាងលើមិនមានចិត្តខ្លាចរអានោះឡើយ ព្រោះដឹងច្បាស់ថាបើមានចិត្តខ្លាចហើយ ក្បាច់អ្វីដែលធ្លាប់រៀនកន្លងមកគឺភ្លេចអស់ហើយ។
ស្រីពៅ បន្ថែមទៀតថា ឥលូវនេះកំពុងហ្វឹកហាត់ការប្រើកែងឲ្យបានស្ទាត់ជំនាញជាងនេះទៀត មិនថាស្នៀតបុកកែង ឬកែងកៀកនោះឡើយ ព្រោះយល់ឃើញថាបើប៉ះដៃគូលើកក្រោយចូលចិត្តដើរបុកត្រង់ដូច្នេះក្បាច់ដែលរៀនខាងលើនេះអាចនឹងមានប្រសិទ្ធភាពខ្លាំងពេលប្រកួតមែនទែន។
រំលឹកដែរថា កីឡាការិនី នៅ ស្រីពៅ គឺជាកីឡាការនីមួយរូបដែលមានភាពល្បីល្បាញខ្លាំង ដោយសារគាត់ព្យយាមហ្វឹកហាត់ខ្ពស់ ព្រមទាំងមានការទទួលខុសត្រូវលើលទ្ធផលរបស់ខ្លួននៅក្នុងការប្រកួតនិមួយៗ ហេតុដូច្នេះបានជាកីឡាករការនីរូបនេះមានការគាំទ្រខ្លាំងពីសំណាក់អ្នកទស្សនាច្រើនដោយសារមានភាពជឿរជាក់លើសម្ថភាពរបស់ខ្លួន៕
កីឡាការិនីឆ្នើមរបស់កម្ពុជា នៅ ស្រីពៅ ថា: ជាអ្នកប្រដាល់ហើយកុំខ្លាចដៃគូប្រកួត
អត្ថបទទាក់ទង
