កីឡាករប្រដាល់ល្បីឈ្មោះលោក អេ ភូថង និងលោក កែវ រំចង់ បានប៉ះគ្នាក្នុងភាពយន្តថ្មីមួយគឺរឿង «បំណុលឈាមអ្នកប្រយុទ្ធ» ។ រឿងនេះផងដែរ លោក អេ ភូថង សម្តែងជាតួឪពុករបស់តួឯកប្រុស និងលោក កែវ រំចង់ សម្តែងជាតួចិត្តអាក្រក់ គឺមានសាច់រឿងបែបវាយតប់តាមក្បាច់គុណល្បុក្កតោខ្មែរ ។
លោក ស៊ុម ភារិន ដែលជាផលិតករបានឱ្យដឹងថា ដោយសារតែលោកចង់ផ្លាស់ប្ដូររសជាតិសម្រាប់ទស្សនិកជន ដោយភាគច្រើនមានតែរឿងកំប្លែង ខ្មោច និងស្នេហាជាដើម ទើបលោកសម្រេចចិត្តផលិតស្នាដៃនេះឡើងមក ។
លោកបានបញ្ជាក់ថា ដោយសារកត្តារសជាតិនៃសាច់រឿងនេះហើយទើបខ្ញុំ ចំណាយពេលច្រើនមកផលិតស្នាដៃមួយនេះ ដើម្បីកុំឱ្យទស្សនិកជនខ្មែរគាត់គិតថា កុនខ្មែរគ្មានរសជាតិអ្វីក្រៅតែពី ខ្មោច និងកំប្លែង ។
ផលិតកររូបនេះបន្តថា រឿងនេះមិនត្រឹមតែជាសាច់រៀងថ្មីប្លែកសម្រាប់ទស្សនិកជនដែលនិយាយពីសម័យបុរាណកាលរបស់កម្ពុជានោះទេ ក៏ប៉ុន្តែរឿងនេះថែមទាំងជួយលើកកម្ពស់ក្បាច់គុនល្បុក្កតោខ្មែរផងដែរ ។ ក្នុងនោះមានតួអង្គម្នាក់ជាគ្រូល្បុក្កតោគឺលោក ឆន ចាន់វីរៈ ក៏បានចូលរួមសម្ដែងក្នុងរឿងមួយផងដែរ ៕
កែសម្រួលដោយ ៖ សំណាង
អេ ភូថង ប៉ះ កែវ រំចង់ វ៉ៃកក្រើកក្នុងរឿង «បំណុលឈាមអ្នកប្រយុទ្ធ»
អត្ថបទទាក់ទង
