អ្នកលេងគុនចម្រុះកម្ពុជានៅក្លិប Cambodian Top Team រិន សារ័ត្ន បានបង្ហើបអំពីកីឡាករគុនចម្រុះ ២ រូបដែលខ្លួនចូលចិត្តនិង រៀនសូត្រតាម។ កីឡាករពីររូបដែល សារ័ត្ន ពេញចិត្ត គឺ Martin Nguyen ដែលជាម្ចាស់ខ្សែក្រវាត់ ONE Featherweight World Champion បច្ចុប្បន្ន និង ជើងខ្លាំងវ័យក្មេងសញ្ជាតិហ្វីលីពីនវ័យ២៣ឆ្នាំ Danny Kingad ។
កីឡាករកម្ពុជាវ័យ ២៥ ឆ្នាំបានថ្លែងដូច្នេះ៖« ខ្ញុំពេញចិត្តកីឡាករគុនចម្រុះហ្វីលីពីន Danny Kingad ព្រោះគាត់មានមានកម្លាំងស៊ុហ្វខ្លាំងរហ័ស ពូកែក្បាច់ដៃ។ ដៃគូដែលជួបគាត់ ពិបាកយកឈ្នះគាត់ណាស់។ ក្នុងនោះក្បាច់ឃ្លេរបស់ Kingad ក៏មិនណយដែរ»។
រិន សារ័ត្ន ប្រើកែងពិឃាតបង្ខំឲ្យ Mario Santya សុំចុះចាញ់នៅ ONE FC
ជើងខ្លាំង Danny Kingad ពិតជាមិនធម្មតាទេ ឈ្នះរហូតដល់ ១១ ដងក្នុងការប្រឡូកលើសង្វៀនគុនចម្រុះ ១២លើក ហើយ ៦ប្រកួតចុងក្រោយនៅសង្វៀន ONE គឺ ឈ្នះរហូត។ ជើងខ្លាំងវ័យក្មេង Kingad នឹងតតាំងជាមួយ វីរបុរសគុនចម្រុះអាមេរិក Demetrious Johnson នៅវគ្គផ្ដាច់ព្រ័ត្រ ONE Flyweight World Grand Prix Championship នៅសង្វៀន ONE: Century នាខែតុលាខាងមុខនៅប្រទេសជប៉ុន។
វីដេអូ Danny Kingad បំបាក់ Reece McLaren នាប្រកួតចុងក្រោយ៖
ចំណែក ម្ចាស់ខ្សែក្រវាត់លំដាប់ពិភពលោកកូនកាត់វៀតណាម-អូស្ត្រាលី Martin Nguyen ក៏ស្ថិតនៅក្នុងក្រអៅបេះដូងរបស់ រិន សារ័ត្ន ដែរតាមរយៈការប្រកួត និង ឡើងការពារខ្សែក្រវាត់បានជោគជ័យជាបន្តបន្ទាប់។
កូនសិស្សលោក ហ៊ុន ច័ន្ទរាជ្យ គូសបញ្ជាក់ថា៖«ក្បាច់វ៉ៃ និង ការការពាររបស់ Martin ពិតជាល្អណាស់។ គាត់មើលទៅដូចមានការរៀបចំបានល្អណាស់ពេលជួបកីឡាករណាក៏ដោយ។ Martin មានកម្លាំងស៊ុហ្វល្អ បូកផ្សំនឹងភាពរហ័សដូចកីឡាករហ្វីលីពីនដែរ ហើយពេលចូលចាប់ ឬ ចូលវ៉ៃ គឺ ច្បាស់ៗ។ មួយទៀត គាត់ពូកែបញ្ឆោតគូប្រកួតឆ្វេងស្ដាំ និង ហក់ចូលល្អពេលដៃគូភ្លាត់។ ហើយបើមានឱកាសវ៉ៃក្នុងជំហរដេកក៏ធ្វើបានល្អដែរ»។
អ្នកលេងគុនចម្រុះវ័យ៣០ឆ្នាំ Martin Nguyen កំពុងកាន់ខ្សែក្រវាត់ចំនួន២ របស់ស្ថាប័នកម្រិតពិភពលោក ONE។ Martin នៅតែអាចការពារខ្សែក្រវាត់របស់ខ្លួន បន្ទាប់ពីវ៉ៃកីឡាករសញ្ជាតិជប៉ុន Koyomi Matsushima ឲ្យចុះចាញ់ត្រឹមទឹកទី២ កាលដើមខែសីហានេះ។ ដោយសារមានស្នៀតល្អៗបែបនេះទើបឲ្យ រិន សារ័ត្ន សរសើរមិនដាច់ពីមាត់ និង ទទួលស្គាល់ថាខ្លួនបានទស្សនាជាហូរហែ និង រៀនសូត្រពីពួកគេទាំងពីរចំពោះក្បាច់ប្រកួតដ៏អស្ចារ្យ។
វីដេអូ Martin Nguyen ឡើងការពារខ្សែក្រវាត់ Koyomi Matsushima
គួរដឹងថា រិន សារ័ត្ន ចូលហ្វឹកហាត់គុនចម្រុះ តាំងពីឆ្នាំ ២០១៣ ពេលស្ថានីយទូរទស្សន៍ ស៊ីធីអិន និង MyTV រៀបចំការប្រកួតជើងឯកគុនចម្រុះឬវ៉ៃដាក់ទ្រុងលើកដំបូង ដោយមានគ្រូបង្វឹករហូតដល់ ៦ នាក់ផ្សេងគ្នាដូចជា គុនខ្មែរ យូដូ ចំបាប់ និង គុនចម្រុះជាដើម។
សូមទស្សនាការផ្សាយផ្ទាល់ ពីសង្វៀន ONE: IMMORTAL TRIUMPH នៅថ្ងៃទី ៦ ខែ កញ្ញា ដែលរៀបចំនៅប្រទេសវៀតណាមចាប់ពីម៉ោង៥:៣០ ល្ងាចតទៅhttps://www.facebook.com/ONEChampionship/, ONE Super App និង YouTube: https://www.youtube.com/user/OneFCMMA ៕
អត្ថបទ៖ ស៊ីធី អ្នកលេងគុនចម្រុះកម្ពុជានៅក្លិប Cambodian Top Team រិន សារ័ត្ន បានបង្ហើបអំពីកីឡាករគុនចម្រុះ ២ រូបដែលខ្លួនចូលចិត្តនិង រៀនសូត្រតាម។ កីឡាករពីររូបដែល សារ័ត្ន ពេញចិត្ត គឺ Martin Nguyen ដែលជាម្ចាស់ខ្សែក្រវាត់ ONE Featherweight World Champion បច្ចុប្បន្ន និង ជើងខ្លាំងវ័យក្មេងសញ្ជាតិហ្វីលីពីនវ័យ២៣ឆ្នាំ Danny Kingad ។
កីឡាករកម្ពុជាវ័យ ២៥ ឆ្នាំបានថ្លែងដូច្នេះ៖« ខ្ញុំពេញចិត្តកីឡាករគុនចម្រុះហ្វីលីពីន Danny Kingad ព្រោះគាត់មានមានកម្លាំងស៊ុហ្វខ្លាំងរហ័ស ពូកែក្បាច់ដៃ។ ដៃគូដែលជួបគាត់ ពិបាកយកឈ្នះគាត់ណាស់។ ក្នុងនោះក្បាច់ឃ្លេរបស់ Kingad ក៏មិនណយដែរ»។
ជើងខ្លាំង Danny Kingad ពិតជាមិនធម្មតាទេ ឈ្នះរហូតដល់ ១១ ដងក្នុងការប្រឡូកលើសង្វៀនគុនចម្រុះ ១២លើក ហើយ ៦ប្រកួតចុងក្រោយនៅសង្វៀន ONE គឺ ឈ្នះរហូត។ ជើងខ្លាំងវ័យក្មេង Kingad នឹងតតាំងជាមួយ វីរបុរសគុនចម្រុះអាមេរិក Demetrious Johnson នៅវគ្គផ្ដាច់ព្រ័ត្រ ONE Flyweight World Grand Prix Championship នៅសង្វៀន ONE: Century នាខែតុលាខាងមុខនៅប្រទេសជប៉ុន។
វីដេអូ Danny Kingad បំបាក់ Reece McLaren នាប្រកួតចុងក្រោយ៖
https://www.onefc.com/videos/reece-mclaren-vs-danny-kingad/
ចំណែក ម្ចាស់ខ្សែក្រវាត់លំដាប់ពិភពលោកកូនកាត់វៀតណាម-អូស្ត្រាលី Martin Nguyen ក៏ស្ថិតនៅក្នុងក្រអៅបេះដូងរបស់ រិន សារ័ត្ន ដែរតាមរយៈការប្រកួត និង ឡើងការពារខ្សែក្រវាត់បានជោគជ័យជាបន្តបន្ទាប់។
កូនសិស្សលោក ហ៊ុន ច័ន្ទរាជ្យ គូសបញ្ជាក់ថា៖«ក្បាច់វ៉ៃ និង ការការពាររបស់ Martin ពិតជាល្អណាស់។ គាត់មើលទៅដូចមានការរៀបចំបានល្អណាស់ពេលជួបកីឡាករណាក៏ដោយ។ Martin មានកម្លាំងស៊ុហ្វល្អ បូកផ្សំនឹងភាពរហ័សដូចកីឡាករហ្វីលីពីនដែរ ហើយពេលចូលចាប់ ឬ ចូលវ៉ៃ គឺ ច្បាស់ៗ។ មួយទៀត គាត់ពូកែបញ្ឆោតគូប្រកួតឆ្វេងស្ដាំ និង ហក់ចូលល្អពេលដៃគូភ្លាត់។ ហើយបើមានឱកាសវ៉ៃក្នុងជំហរដេកក៏ធ្វើបានល្អដែរ»។
អ្នកលេងគុនចម្រុះវ័យ៣០ឆ្នាំ Martin Nguyen កំពុងកាន់ខ្សែក្រវាត់ចំនួន២ របស់ស្ថាប័នកម្រិតពិភពលោក ONE។ Martin នៅតែអាចការពារខ្សែក្រវាត់របស់ខ្លួន បន្ទាប់ពីវ៉ៃកីឡាករសញ្ជាតិជប៉ុន Koyomi Matsushima ឲ្យចុះចាញ់ត្រឹមទឹកទី២ កាលដើមខែសីហានេះ។ ដោយសារមានស្នៀតល្អៗបែបនេះទើបឲ្យ រិន សារ័ត្ន សរសើរមិនដាច់ពីមាត់ និង ទទួលស្គាល់ថាខ្លួនបានទស្សនាជាហូរហែ និង រៀនសូត្រពីពួកគេទាំងពីរចំពោះក្បាច់ប្រកួតដ៏អស្ចារ្យ។
វីដេអូ Martin Nguyen ឡើងការពារខ្សែក្រវាត់ Koyomi Matsushima
https://www.onefc.com/videos/koyomi-matsushima-vs-martin-nguyen/
គួរដឹងថា រិន សារ័ត្ន ចូលហ្វឹកហាត់គុនចម្រុះ តាំងពីឆ្នាំ ២០១៣ ពេលស្ថានីយទូរទស្សន៍ ស៊ីធីអិន និង MyTV រៀបចំការប្រកួតជើងឯកគុនចម្រុះឬវ៉ៃដាក់ទ្រុងលើកដំបូង ដោយមានគ្រូបង្វឹករហូតដល់ ៦ នាក់ផ្សេងគ្នាដូចជា គុនខ្មែរ យូដូ ចំបាប់ និង គុនចម្រុះជាដើម។
សូមទស្សនាការផ្សាយផ្ទាល់ ពីសង្វៀន ONE: IMMORTAL TRIUMPH នៅថ្ងៃទី ៦ ខែ កញ្ញា ដែលរៀបចំនៅប្រទេសវៀតណាមចាប់ពីម៉ោង៥:៣០ ល្ងាចតទៅhttps://www.facebook.com/ONEChampionship/, ONE Super App និង YouTube: https://www.youtube.com/user/OneFCMMA ៕
អត្ថបទ៖ ស៊ីធី Via khmer komlang
សូមចុចលីងនេះដើម្បីលៃផេកផងអរគុណច្រើន Usportkh CamsportNews Real Madrid C.F Boxing Football Boxing ដឹងគ្រប់យ៉ាង
