ឈិត សេរីវណ្ណថង វិលចូលសង្វៀនគុនខ្មែរវិញហើយ សប្ដាហ៍នេះដោយប៉ះខ្លាចាស់ ទួនប៉េ នៅ CBS បន្ទាប់ពីបាត់មុខអ្នកប្រដាល់វ័យក្មេងរយៈពេលប្រហែល៣ខែមកនេះ ដោយសារតែជាប់រៀនបំប៉ន និងត្រៀមខ្លួនសម្រាប់ប្រឡងបាក់ឌុបកាលពីពេលថ្មីៗនេះ ឥលូវ ឈិត សេរីវណ្ណថង បានហ្វឹកហាត់ និងមានឈ្មោះប្រកួតវិញហើយ។
អ្នកប្រដាល់ល្បីឈ្មោះមកពីបាត់ដំបង ត្រូវតតាំងជាមួយ ទួនប៉េ នាជំនួបមិត្តភាពអន្តរជាតិក្នុងកម្មវិធីដណ្ដើមប្រាក់លានរបស់ខារ៉ាបាវ រសៀលថ្ងៃសៅរ៍នេះ។ សម្រាប់ការប្រកួតមួយនេះដែរ អាចជាការប្រកួតតានតឹងបន្តិចចំពោះអ្នកលេងគុនខ្មែរវ័យក្មេង សេរីវណ្ណថង ព្រោះអីអ្នកលេងគុនថៃម្នាក់នេះចាស់វស្សាក្នុងវិស័យប្រដាល់នេះមកហើយ ក្រៅពីនេះគេធ្លាប់ឈ្នះកីឡាករខ្មែរចង់អស់ហើយលើប្រភេទទម្ងន់៦០គីឡូក្រាមកន្លងមក។
អ្នកគាំទ្រគុនខ្មែរមួយចំនួននៅតែទុកចិត្តលើ ឈិត សេរីវណ្ណថង បើទោះជាត្រូវប៉ះ ទួនប៉េ ក៏ដោយ។ នេះអាចថាដោយសារតែអ្នកលេងគុនខ្មែររូបនេះ មានស្នៀតប្រយុទ្ធល្អ កម្រធ្វើឲ្យអ្នកគាំទ្រខកចិត្ត ទន្ទឹងនិងនេះគេតែត្រៀមខ្លួនមុនប្រកួតនានាបានគ្រប់គ្រាន់ផងដែរ។ ការប្រកួតរវាងអ្នកប្រដាល់ល្បីឈ្មោះមកពីបាត់ដំបង សេរីវណ្ណថង និង ទួនប៉េ នេះធ្វើឡើងនៅថ្ងៃសៅរ៍ ម៉ោង២រសៀលតទៅនៅ CNC៕
អត្ថបទ៖ នួន ស៊ីណា credit: Sabay
សូមចុចលីងនេះដើម្បីលៃផេកផងអរគុណច្រើន Usportkh CamsportNews Real Madrid C.F Boxing Football Boxing ដឹងគ្រប់យ៉ាង
