អ្នកប្រដាល់នៅខេត្តសៀមរាប សេក គីមសាន្ត បានប្រកួតចាញ់កីឡាករម្ចាស់ផ្ទះថៃ ផេតខៅវ៉ាង់ ដោយត្រូវមួយដៃដាច់ផ្ងារសន្លប់ឈឹងនៅក្នុងទឹកទី១ ក្នុងកម្មវិធី Muay Hardcore កាលពីថ្ងៃសៅរ៍កន្លងទៅ។
ការប្រកួតប្រដាល់សេរី ក្នុងកម្មវិធី Muay Hardcore របស់ស្ថានីយ៍ប៉ុស្ដិ៍លេខ៨ថៃ ផេតខៅវ៉ាង់ ធ្លាប់ឈ្នះ ៤៨ដង នឹង សេក គីមសាន្ត ឈ្នះត្រឹមតែ ៣២ដងប៉ុណ្ណោះ នឹងបានឡើងប្រកួតក្នុងតំណែងរងគូឯក ប្រភេទទម្ងន់ ៦០គីឡូក្រាម ដោយអ្នកទាំងពិរសុទ្ធតែមានបទពិសោធន៍ប្រកួតខ្លាំងៗប្រហាក់ប្រហែលគ្នា។
ការប្រកួតចាប់ផ្ដើមក្នុងទឺកទី១ មិនទាន់បាន១នាទីស្រួលផង កីឡាករម្ចាស់ផ្ទះថៃ ផេតខៅវ៉ាង់ បានប្រើកណ្ដាប់ដៃរបស់ខ្លួនវាយចូលគុម្ពថ្គាមរបស់ គីមសាន្ត ធ្វើឲ្យដាច់ផ្ងារដួល និងត្រូវលោកអាជ្ញាកណ្ដាលរាប់ដល់១០ មិនអាចបន្តការប្រកួតទៀតបាន នៅលើសង្វៀននៃកម្មវិធី Muay Hardcore របស់ស្ថានីយ៍ប៉ុស្ដិ៍លេខ៨ថៃ ដែលមានទស្សនិកជនជាច្រើនដូលទស្សនា៕
សូមចុចលីងនេះដើម្បីឡៃផេកផងអរគុណច្រើន Usportkh CamsportNews Real Madrid C.F Boxing Football Boxing ដឹងគ្រប់យ៉ាង
