អ្នកប្រដាល់ជើងខ្លាំងរបស់កម្ពុជា ម៉ឺន សុភា បានប្រកួតឈ្នះកីឡាករឆ្លងដែនមកពីអាស៊ីខាងលិច ប្រទេសអ៊ីរ៉ង់ អាប់ឌុលឡាស់ ដោយផ្ដួលឲ្យសន្លប់ធំនៅក្នុងទឹកទី២ នៅទឹកដីក្រុងច្បារមន ខេត្តកំពង់ស្ពឺ ក្នុងកម្មវិធី Khmer Fight។
ការប្រកួតប្រដាល់គុនខ្មែរ ក្នុងកម្មវិធី Khmer Fight នៅទឹកដីក្រុងច្បារមន ធ្វើឡើងក្នុងប្រភេទទម្ងន់ ៧០គីឡូក្រាម កីឡាករទាំងពីរមិនបង្អង់យូរនោះទេ ដោយបានសម្រុកគ្នាទៅវិញទៅមកតាមរយៈក្បាច់គុនរបស់ខ្លួនដាក់គ្នា ហើយនៅចុងទឹកទី១ សិស្សគុនមកពីក្លិបក្រសួងការពារជាតិ បានវាយកីឡាករអ៊ីរ៉ង់ឲ្យលោកអាជ្ញាកណ្ដាល ម៉ី រតនៈ រាប់ម្ដងមុននឹងចូលទឹកទី២។
ប៉ុន្តែយ៉ាងណាកណ្ដាប់ដៃរបស់អ្នកប្រដាល់ជើងខ្លាំងរបស់កម្ពុជា ម៉ឺន សុភា ហាក់ធ្ងន់ជាង ដោយបានវាយឲ្យ អាប់ឌុលឡាស់ រាប់ម្ដងទៀតនៅក្នុងទឹកទី២ មុននឹងវាយមួយដៃពេញចូលកណ្តាលមុខ ធ្វើឲ្យលោកអាជ្ញាកណ្ដាលបញ្ឈប់ការប្រកួតភ្លាមៗតែម្ដង៕
ចង់ដឹងថា ការប្រកួតរបស់ ម៉ឺន សុភា នឹងអុីរ៉ង់ យ៉ាងណានោះ ទៅទស្សនាវីដេអូខាងក្រោមនេះ៖
សូមចុចលីងនេះដើម្បីឡៃផេកផងអរគុណច្រើន Usportkh CamsportNews Real Madrid C.F Boxing Football Boxing ដឹងគ្រប់យ៉ាង
