ការប្រកួតបាលត់ទាត់រវាងក្រុមជម្រើសជាតិកម្ពុជា បានរងបរាជ័យក្រោមថ្វីជើងរបស់ក្រុមហុងកុង ក្នុងលទ្ធផល ២ទល់០ ក្នុងការប្រកួតវគ្គជម្រុះពានរង្វាន់ FIFA World Cup 2022 កាលពីថ្ងៃអង្គារ៍ ទី១៩ វិច្ឆិការ ឆ្នាំ២០១៩ យប់មុិញនេះ។
នៅតង់ទីមួយក្រុមទាំងពីរមានឱកាសទៅវិញទៅមក ប៉ុន្តែក្រុមហុងកុងហាក់មានប្រៀបជាង រហូតរកបាន១គ្រាប់នៅនាទី២១ ដោយខ្សែប្រយុទ្ធ Stephen Gee Ha ។ ខាងកម្ពុជា មានឱកាសមួយវិញដែរ ដោយប្រាក់ មុន្នីឧត្តម ប៉ុន្តែគួរឱ្យស្ដាយស៊ុតមិនចំគោលដៅ ដោយសារតែខ្សែការពាររារាំង។ ចប់តង់ទី១ ក្រុមទាំងពីររក្សាលទ្ធផល ហុងកុង ១-០ កម្ពុជា។
ចូលដល់តង់ទី២វិញ កម្ពុជាដែលត្រូវក្រុមហុងកុងនាំមុខ១គ្រាប់នោះ បានព្យាយាមសម្រុកទៅវិញជាច្រើនលើកដែរ ប៉ុន្តែមិនអាចទម្លាយសំណាញ់ទី ក៏ដូចជាឆ្លងផុតតំបន់ការពាររបស់ក្រុមម្ចាស់ផ្ទះនោះទេ។ ស្របពេលនាទី៧៨ ប្រធានក្រុមកម្ពុជា សឿយ វិសាល បានកាតក្រហមទៀត ក្រោយពីទៅទាត់បាល់ពីដៃរបស់អ្នកចាំទីដែលរៀបនឹងទាត់ចេញ។ សល់គ្នា១០នាក់នេះហើយ បានធ្វើឱ្យហុងកុងបុកខ្លាំង រហូតដល់ថែមបាន១គ្រាប់ទៀតនៅនាទី៨៣។ ចប់ការប្រកួតហុងកុង ឈ្នះ ២-០៕
ប៉ុន្តែនៅមានរឿងមួយទៀតក្រោយបរាជ័យនេះ មានមតិលើកឡើងមួយចំនួនលើបណ្ដាញសង្គម Facebook លើក្រុមជម្រើសជាតិកម្ពុជា។ ជាក់ស្ដែង កែវ សុខងន ដែលជាអតីតកីឡាករជម្រើសជាតិកម្ពុជាម្នាក់ដែរនោះ បោះសម្ដីដូចជាធ្ងន់ៗតែម្ដង លើលទ្ធផលដែលក្រុមកម្ពុជាបរាជ័យនេះ។
អតីតកីឡាករដែលលេងឱ្យក្រុមភ្នំពេញក្រោននេះ បានបង្ហោះថា៖ អញអើយអញម៉ាថ្ងៃ 20$ ប្រមូលផ្ដុំតាំងពីរអ៊ុំទូករហូតមកដល់ឥលូវអត់បានសំរាក់ផង ហើយពួកអាបានផលនៅតែបានផលហើយ ពួកអាមិនផលនៅតែមិនបាន បើពួកអស់លោកណាមិនពេញចិត្តទេមកអញ 088 5055551 រឺឆាត់មកចាំអញចាំអញប្រាប់ នៅវគ្គបន្តទៀតក្ដរស្អីហា៕
អត្ថបទ៖ ប្រុស យុទ្ធ ប្រភពពី: Sabay
