លោកគ្រូង្វឹក Felix G.Dalmas រត់ទៅអោប កែវ សុខផេង ក្រោយចប់ប្រកួតរវាងក្រុមកម្ពុជា ប៉ះជាមួយ មីយ៉ាន់ម៉ា (វីដេអូ) ដោយប្រិយមិត្បានតជ្រាបច្បាស់រួចហើយថាចំពោះការប្រកួតដ៌ស្វិតស្វាញ ១នេះមានលទ្ធផលត្រឹម ២ទល់២។
ការប្រកួតកីឡាស៊ីហ្គេមលើកទី៣០ នៅប្រទេសហ្វីលីពីន ក្រុមមីយ៉ាន់ម៉ាអាយុក្រោម២២ឆ្នាំ ២-២ កម្ពុជាអាយុក្រោម២២ឆ្នាំ លទ្ធផលការទាត់បាល់១១ម៉ែត្រ ៥:៤ ខ្សែប្រយុទ្ធដ៏ឆ្នើមរបស់កម្ពុជា កែវ សុខផេង បានជួយកម្ពុជាតាមស្មើមីយ៉ាន់ម៉ា ទៅហើយ លទ្ធផល៩០នាទីបញ្ចប់ក្នុងលទ្ធផលស្មើ ២-២ ។
ក៏ប៉ុន្តែការទាត់បាល់ប៉េណាំងទីចុងក្រោយបង្អស់ សុខផេង គ្មានសំណាង ទាត់បាល់បុកបង្គោលទី ធ្វើអោយរូបគេ បានផ្ដួលខ្លួនទៅលើទីលានយំបង្ហូរទឹកភ្នែកបង្ហាញពីទំហំឈឺចាប់ និងសោកស្តាយចំពោះការទាត់បាល់១១ម៉ែត្រ មិនបានសម្រេចមួយនេះ ។ ក្តីឈឺចាប់ចំពោះបរាជ័យមួយនេះ កែវ សុខផេង បានបង្ហោះសារភ្លាមៗនៅលើទំព័រហ្វេសប៊ុកផ្លូវការរបស់ខ្លួន យ៉ាងខ្លីថា «កំហុសគ្រប់យ៉ាងមកពីរូបខ្ញុំ» ។
បន្ទាប់ពីសារបង្ហោះចេញមិនបានប៉ុន្មាននាទីផង កីឡាករ កែវ សុខផេង ទទួលបានសារលើកទឹកចិត្តជាច្រើន ចេញពីបេះដូងអ្នកគាំទ្រក្រុមគោព្រៃកម្ពុជាយ៉ាងច្រើនក្រៃ ។ ជាពិសេសទៀតលោកគ្រូង្វឹក Mr. Felix G.Dalmas បានរត់ទៅអោប សុខផេង និងលើកទឹកចិត្តផងដែល អង្អែលខ្នងប្រកបដោយភាពកក់ក្តៅ៕
