ក្រោយឈ្នះផ្ដួលកីឡាករ ថា សារុន ឲ្យបោះបង់ការប្រកួតក្នុងទឹកទី២ នៃវគ្គជម្រុះចាញ់ធ្លាក់ជុំទី១ រឿម វណ្ណៈ បោះពាក្យទៅ សារឿន ច័ន្ទ ប្រហែលជាអ្នកធ្លាក់បន្ទាប់ទៀតហើយពេលប៉ះគ្នាជុំទី២នោះ។
អ្នកលេងគុនខ្មែរ សារឿន ច័ន្ទ និង រឿម វណ្ណៈ បានបោះពាក្យផ្លែផ្កាដាក់គ្នាក្រោយឈ្នះដៃគូរៀងៗខ្លួននាវគ្គជម្រុះជុំទី១ កាលពីថ្ងៃសៅរ៍ ទី១១ ខែមករា ២០២០ លើសង្វៀនព្រែកកំពិស ថាមិនខ្លាចញញើតគ្នាឡើយ និងផ្ដាំឲ្យខំប្រឹងប្រែងហ្វឹកហាត់បានល្អត្រៀមប៉ះគ្នា។
រឿម វណ្ណៈ បន្ទាប់ពីផ្ដួលដៃគូដោយស្នៀតទាត់ឲ្យខូចដៃក្នុងទឹកទី២ និងបានមើល សារឿង ចន្ទ ដែលនឹងត្រូវប៉ះគ្នាជុំទី២ បន្ទាប់ទៀតនោះ ក៏ព្រលយពាក្យថា «អ្នកធ្លាក់ចេញពីកម្មវិធីនេះបន្ទាប់ទៀតប្រហែល សារឿន ច័ន្ទ ហើយមើលទៅ»។
រំលឹកដែរថា ការប្រកួតជម្រុះពានរង្វាន់ TV5 កាលពីថ្ងៃសៅរ៍ ទី១១ មករា ២០២០ សប្ដាហ៍មុននេះគឺ សារឿន ច័ន្ទ ឈ្នះពិន្ទុ ឌុន សាភុត ខណៈ រឿម វណ្ណៈ ទាត់ ថា សារុន ឲ្យខូចដៃនៅទឹកទី២។ រឿម វណ្ណៈ នឹងត្រូវប៉ះ សារឿន ច័ន្ទ នៅជុំទី២៕
អត្ថបទ៖ នួន ស៊ីណា