ខ្សែបម្រើ Abdelhak Nouri ក្រោយពីទទួលរងជំងឺគាំងបេះដូងហើយដួលប៉ះទង្គិចខួរក្បាល នៅលើទីលានក្នុងឆ្នាំ ២០១៧ពោលគឺ (២ឆ្នាំ និង ៩ខែ) ទីបំផុតបានចេញពីមន្ទីរពេទ្យនិងបានធ្វើដំណើរទៅជួបជុំគ្រួសារនៅផ្ទះរបស់ខ្លួនវិញហើយ។
ខ្សែបម្រើក្រុមជម្រើសជាតិហូឡង់វ័យ ២២ ឆ្នាំរូបនេះ សន្លប់លែងដឹងខ្លួនបន្ទាប់ពីឧប្បត្តិហេតុនៅក្នុងការប្រកួតមុនបើករដូវកាលនៅប្រទេសអូទ្រីសជាមួយក្លឹបWeder Bremen ក្នុងឆ្នាំ ២០១៧ ។Nouri ធ្លាប់បានបង្ហាញខ្លួនសម្រាប់ឈុតធំអោយក្លឹបAjax តាំងពីខែកញ្ញាឆ្នាំ២០១៦ បានដឹងខ្លួននិងអាចនិយាយ ប្រាស្រ័យទាក់ទងជាមួយក្រុមគ្រួសាបានវិញជាធម្មតាហើយ។
បងប្រុសរបស់Nouriឈ្មោះ Abderrahim បានប្រាប់បណ្តាញពត៌មាន De Wereld Draait Door របស់ហូឡង់ថា: គាត់គេង និង ហូបបាយតាមបំពង់សុងអាហារដែលពឹងផ្អែកទាំងស្រុកលើកការបញ្ចុក។ការប្រាស្រ័យទាក់ទងមួយចំនួនអាចធ្វើទៅបានដោយលើកឧទាហរណ៍និងការធ្វើសញ្ញាញាក់ចិញ្ចើមរបស់គេហើយរូបគេបច្ចុប្បន្នដឹងខ្លួននិងអង្គុយលើរទេះរុញ។ យើងត្រូវមើលថែគាត់ ឲ្យ អស់ពីលទ្ធភាព។ យើងព្យាយាមធ្វើវាដោយខ្លួនយើងផ្ទាល់។
ក្រុមគ្រួសាររបស់Nouri បានជួសជុលផ្ទះមួយដើម្បីដាក់អោយរូបគេសម្រាកក្រោយចាកចេញពីមន្ទីរពេទ្យ។អតីតមិត្តរួមក្រុមលោក Steven Bergwijn បច្ចុប្បន្នលេងអោយក្រុម Tottenham, ខ្សែបម្រើ Frenkie de Jong ដែលបច្ចុប្បន្នកំពុងនៅ Barcelona និង Donny van de Beek ក៏បានចូលរួមជាចំណែកធ្វើសកម្មភាពមនុស្សធម៌ដើម្បីជួយដល់ Nouriផងដែរ ៕
ប្រភព:The Sun
