នៅមិនទាន់ប្រាកដប្រជានៅឡើយទេតែយើងត្រូវរង់ចាំដោយភាពអត់ធ្មត់ជុំវិញការផ្តល់កិច្ចសន្យាថ្មីដល់ខ្សែការពារកណ្តាលចាស់វស្សា Sergio Ramos ជាមួយក្រុមអធិរាជស Real Madrid យោងតាមភ្នាក់ងារនិងជាបងប្រុសបង្កើតឈ្មោះ Rene Ramosបានប្រាប់គេហទំព័រអេស្បាញ Marca ។
ខ្សែការពារក្រុមជម្រើសជាតិអេស្បាញ Ramos វ័យ ៣៤ ឆ្នាំមានកិច្ចសន្យារហូតដល់ឆ្នាំ ២០២១ ខណៈក្លឹបនៅមិនទាន់ឆ្លើយតបសម្រាប់កុងត្រា ១ ឆ្នាំទៀតដែលជាគោលការរបស់ក្រុមធ្វើឡើងសម្រាប់កីឡាករដែលមានវ័យចាប់ពី៣០ឆ្នាំឡើងទៅ។សម្រាប់ពេលនេះក្លឹបមិនទាន់មានសំណើណាមួយសម្រាប់អតីតកីឡាកក្រុមSevilla រូបនេះទេ បន្ទាប់ពីRamos ជួយក្លឹបផ្តួលEibar កាលពីសប្តាហ៏មុន និងត្រៀមជួបValencia នៅថ្ងៃពុធនេះ។
ឆ្លើយតបការលើកឡើងនេះប្រធានផ្នែកទំនាក់ទំនងរបស់ក្លឹប លោក Emilio Butragueño បានបញ្ជាក់ប្រាប់ថាៈ យើងចង់អោយគាត់បន្តលេងនៅទីនេះជាច្រើនឆ្នាំទៀត ពីព្រោះគាត់ជាកីឡាករឆ្នើមក្នុងប្រវត្តិសាស្ត្រ របស់ក្លឹបហើយជាវីរបុរសដែលយើងកំពុងធ្វើការជាមួយ។
នៅជាមួយReal Madrid១៥ឆ្នាំ Ramos បានជួយក្លឹបឈ្នះពានធំៗគឺLa Liga ៤ដង និង ពានUefa Champion League៤ដង និងក៏បានជួយក្រុមគោជល់អេស្បាញឈ្នះពានFIFA World Cup ២០២០ និង ពាន Euro ២០០៨ និង ២០១២។
ប្រភព៖ sport.es