Sergio Ramos បានស៊ុតបញ្ចូលទីបើកឆាកអោយក្រុម Real Madrid ផ្តួលក្រុមម្ចាស់ផ្ទះ Real Sociedad ក្នុងលទ្ធផល២ទល់និង១ កាលពីថ្ងៃអាទិត្យជាការបង្កើតកំនត់ត្រា ប្រវត្តិ សាស្រ្ត ជួយអោយ ខ្សែការពារកណ្តាល រូបនេះឡើងឈរលើកំពូលតារាងក្នុងនាម កីឡាកររកបានគ្រាប់បាល់ច្រើនបំផុតនៅលីកកកំពូល La Liga របស់អេស្បាញ។
កីឡាករជម្រើសជាតិអេស្បាញវ័យ៣៤ឆ្នាំរូបនេះ បានប្រើបច្ចេកទេសស៊ុតបាល់បញ្ចូលទីយ៉ាងល្អនៅនាទីទី៥០បន្ទាប់ពីខ្សែការពារSociedad បានធ្វើអោយខ្សែប្រយុទ្ធVinicius Jr ដួល ក្នុងតំបន់គ្រោះថ្នាក់។វាជាគ្រាប់បាល់ទី៦៨ ក្នុងអាជីពរបស់Ramosសម្រាប់ក្លឹប និងបានកើនលើសអតីតខ្សែការពារBacelona លោកRonald Koeman និងបច្ចុប្បន្នជាគ្រូបង្វឹក ក្រុម ជម្រើសជាតិហូឡង់ ដែល ធ្លាប់រកបាន៦៧គ្រាប់កន្លងមក។
ក្រុមរបស់គ្រូបង្វឹកលោកZinedine Zidane ខកខានឈ្នះពាន La Liga ចាប់តាំងពីឆ្នាំ ២០១២ កំពុងសម្លឹងឃើញឪកាសលើកពានជាលើកដំបូង ប្រសិនពួកគេប្រាកដថាទទួលជ័យជំនះទាំង អស់ដែលនៅសល់ចំនួន ៨ប្រកួតចុងក្រោយបាន ក្រោយតាមស្មើពិន្ទុក្រុមការពារតំណែងជើងឯកBarcelona ។Barcelonaនិងត្រូវទទួលភ្ញៀវ Athletic Bilbao នៅថ្ងៃអង្គារខណៈ Real Madrid និងបើកទ្វារកីឡាដ្ឋានSantiago Bernabeu ទទួលភ្ញៀវ Mallorca នៅថ្ងៃបន្ទាប់។
ប្រភព៖ Goal