អាល្លីម៉ង់៖ ក្លឹប Dortmund ខិតកាន់តែកៀកក្នុងការចុះហត្ថលេខានាំយកខ្សែបម្រើវ័យជំទង់ Jude Bellingham ពីក្រុមនៅលីកលំដាប់ទី២អង់គ្លេសគឺ Birmingham City ក្នុងកិច្ចសន្យារយៈពេលវែងមួយដែលមិនទាន់បង្ហើបប្រាប់អោយដឹងជាផ្លូវការណ៏នៅឡើយ។
កាលពីខែសីហា Bellingham បានបំបែកឯតទគ្គកម្មរបស់អតីតខ្សែប្រយុទ្ធអង់គ្លេស Trevor Francis ក្នុងនាមជាកីឡាករក្មេងជាងគេរបស់ Birmingham នៅពេលដែលគាត់បង្ហាញខ្លួនឈុតធំសម្រាប់ជម្រើសដំបូងនៅក្នុងក្រុមពេលមានវ័យទើបតែ ១៦ ឆ្នាំនិង ៣៨ ថ្ងៃ។
ទោះយ៉ាងណាភាគីទាំងសងខាងសង្ឃឹមថានិងឈានដល់ការចុះ កិច្ចសន្យា រយៈពេល៥ ឆ្នាំនិងតម្លៃខ្លួន ផ្ទេរប្រមាណ ២០ លានផោនសម្រាប់ Bellingham ដែលបច្ចុប្បន្នមានអាយុ ១៧ ឆ្នាំដើម្បីនាំយករូបគេទៅលេងនៅលីកកំពូលអាឡឺម៉ង់ Bundesliga ។
Bellingham បានក្លាយជាកីឡាករវ័យក្មេងដ៏មានទេពកោសល្យនិងគួរជាទីចាប់ ចាប់អារម្មណ៍បំផុតពីសំណាក់ក្លឹបធំៗនៅអឺរ៉ុបនាពេលបច្ចុប្បន្ននេះស្របពេលបិសាចក្រហម ManUtd បានបើកការចរចារចុះហត្ថលេខា និង បានផ្តល់ជាសំណើរនូវកន្លែងហ្វឹកហាត់របស់ពួកគេនិងការណែនាំទៅកាន់កំពូលគ្រូបង្វឹកលោក Sir Alex Fergusonពិចារណានិងផ្តល់ជាយោបល់លើករណីនេះផងដែរ ។
ប្រភព៖ BBC