បរទេស៖ Dortmund បានបណ្តេញអ្នកចាត់ការទូទៅលោក Marco Rose បន្ទាប់ពីដឹកនាំក្លឹបបានមួយរដូវកាល។ក្រោយពីធ្លាប់ដឹកនាំ Borussia Monchengladbach លោក Rose ក៏បានដឹកនាំក្លឹបយក្សអាឡឺម៉ង់ Dortmund អោយឈរនៅលេខរៀងទី២ នៅក្របខណ្ឌ Bundesliga ដោយតាមពីក្រោយក្រុមជើងឯក Bayern Munich ចំនួន ៨ ពិន្ទុ។
ពួកគេបានធ្លាក់ចេញពីក្របខណ្ឌ Champions League និង Europa League ហើយត្រូវបានធ្លាក់ចេញពី German Cup ដោយក្រុម St Pauli មកពីលីកលំដាប់ទីពីរ ។
Dortmund ក៏បានបញ្ជាក់ថាពួកគេនឹងពិភាក្សាអំពីសមាសភាពនៃក្រុមគ្រូបង្វឹកនាពេលខាងមុខ ។ Rose មានកំនត់ត្រាដឹកនាំក្លឹប ៤៧លើក ឈ្នះ២៧ដងនិងចាញ់១៦លើក។ Dortmund ត្រូវបានធ្លាក់ចេញពី Champions League នៅវគ្គចែកពូល ដោយឈរនៅចំណាត់ថ្នាក់ទី៣បន្ទាប់ពី Ajax និង Sporting Lisbon និងត្រូវRangers ទម្លាក់ចេញពីក្របខណ្ឌ Europa Leagueផងដែរ៕
ប្រភពព័ត៍មាន៖ BBC