ក្លឹបនៅលីកលំដាប់ទី២ក្របខណ្ឌ Championshipគឺ Fulham បានបន្តរក្សាក្តីសង្ឃឹមរបស់ពួកគេវិលត្រលប់ទៅលេងនៅក្របខណ្ឌលីកកំពូល Premier League អង់គ្លេសជាមួយនឹងជ័យជម្នះ ២ទល់និង០ ក្រោយផ្តួល Cardiff ដើម្បីមានឪកាសទៅលេងវគ្គ Play-Off បន្តទៀត។កីឡាករ Aleksandar Mitrovic មានឪកាសរកបានគ្រាប់ បាល់ពិន័យ នៅតង់ទី ១ នាទីទី ៣៥ មុនពេល Josh Onomah បន្ថែមគ្រាប់បាល់ គ្រាប់ទី២នៅនាទីទី ៦៦ អោយក្រុមម្ចាស់ផ្ទះជាមួយជ័យជំនះនៅសប្តាហ៏។
សម្រាប់ក្រុមបក្សីខៀវ Cardiff បានចាញ់ការប្រកួត២លើកចុងក្រោយជាប់ៗគ្នា ប៉ុន្តែក្រុមនៅតែបន្តឈរនៅចំណាត់ថ្នាក់លេខ៦ លើគូប្រកួតប្រជែងដ៏ជូរចត់ Swansea City ប្រសិនពួកគេអាចផ្តួលក្រុមកំពូល តារាង Leeds United នៅថ្ងៃអាទិត្យនេះបាន។សម្រាប់ជ័យជម្នះជាបន្តបន្ទាប់លើកទី ៤ របស់ Fulham បាន ធ្វើឲ្យពួកគេបន្តឈរនៅចំណាត់ថ្នាក់លេខ៣និងដេញតាមពីក្រោយក្រុមលេខ២ West Brom ៤ ពិន្ទុ។
ប្រភព៖ bbc
