បរទេស៖ Fulham បានបញ្ចប់ការចុះហត្ថលេខានាំយកអតីតខ្សែបម្រើ Chelsea និង Arsenal កីឡាករ Willian លើការផ្ទេរដោយឥតគិតថ្លៃជាមួយការ Carlos Vinicius នៅលើកិច្ចសន្យាជាអចិន្ត្រៃយ៍ ខណៈ Daninel James និង Layvin Kurzawa ត្រូវបានក្លឹបខ្ចីជើងពេញមួយរដូវកាល។
ការមកដល់នេះធ្វើឱ្យចំនួននៃការផ្ទេរយកដោយក្លឹបដែលទើបនិងឡើងមកក្របខណ្ឌ Premier League នៅរដូវក្តៅនេះមានសមាជិកឡើងដល់ ១១នាក់ហើយ ខណៈការចុះហត្ថលេខាចុងក្រោយរបស់ពួកគេគឺកីឡាករអន្តរជាតិវេលស៍ James ពី Leeds Utd ។
James វ័យ២៤ឆ្នាំបានផ្ទេរពីMan.Utd មក Leeds Utdក្នុងតម្លៃ២៥ លានផោនកាលពីឆ្នាំ ២០២១ និងរកគ្រាប់បាល់បានតែ ៤ គ្រាប់ប៉ុណ្ណោះកាលពីរដូវកាលមុន ខណៈក្លឹបបានតស៊ូស្ទើរតែធ្លាក់ទៅលេងនៅក្របខណ្ឌ Championshipវិញ រីឯ Willian ៣៤ ឆ្នាំបានលប់ចោលកិច្ចសន្យាជាមួយក្លឹបនៅប្រទេសកំណើតប្រេស៊ីល Corinthians ក្រោយពីរូបគេបានអះអាងថាខ្លួនបានទទួលការគំរាមសម្លាប់៕
ប្រភពព័ត៍មាន៖ Sportsmole
