ប្រទេសព័រទុយហ្កាល់៖ ខ្សែការពារអន្តរជាតិកុងហ្គោ Chancel Mbemba បានស៊ុតបាល់បញ្ចូលទី២គ្រាប់ ខណៈដែលក្រុម FC Porto បានផ្តួលក្រុម Benfica ក្នុងលទ្ធផល ២-១ កាលពីថ្ងៃសៅរ៍ ដើម្បីឈ្នះពាន Portuguese Cup ជាលើកទី១៧។ Mbemba បានស៊ុតបាល់បញ្ចូលទីគ្រាប់បាល់ទាំង២គ្រាប់របស់គេនៅតង់ទី២ ក្នុងការប្រកួតវគ្គផ្តាច់ព្រ័ត្រ ដែលលេងនៅក្នុងកីឡដ្ឋានគ្មានអ្នកទស្សនា។
ការទទួលជ័យជម្នះនេះ បានជួយឲ្យក្រុម Porto បំពេញការឈ្នះទាំងពានក្របខ័ណ្ឌលីក និងពាន Portuguese Cup ប៉ុន្តែ ពួកគេបានជួបការងារលំបាកៗជាច្រើន។ ខ្សែបម្រើស្លាបអន្តរជាតិកូឡុំប៊ីរបស់ពួកគេ Luis Dias បានរងពិន័យកាតក្រហមនៅនាទី ទី៣៨ ខណៈដែលលោកគ្រូបង្វឹក Sergio Conceicao ក៏ទទួលបានកាតក្រហមក្នុងរយៈពេល៥នាទីក្រោយមកទៀតដែរ។ Mbemba បានតែតបាល់បំប៉ោងសំណាញ់ទី ពីការស៊ុតបាល់ Free-kick នៅនាទី ទី២នៃតង់ទី២ និងបានបន្ថែម១គ្រាប់ទៀតនៅនាទី ទី៦០។ Benfica បានកាត់បន្ថយការដេញតាមពីក្រោយនៅនាទី ទី៨៤ ពីការស៊ុតបាល់ពិន័យប៉េណាល់ទី ខណៈដែលកីឡាករ Carlos Vinicius គឺជាអ្នករកបានគ្រាប់បាល់។ ប៉ុន្តែ ក្រុម Porto បានបន្តការការពារយ៉ាងរឹងមាំដើម្បីឈ្នះពានរបស់ខ្លួនតែម្តង៕
ប្រភពព័ត៌មាន៖ Channel News Asia