ប្រទេសអេស្ប៉ាញ៖ Josep Maria Bartomeu ប្រធានក្រុមអ្នកមានបុណ្យ Barcelona បានចេញមកបញ្ជាក់អះអាង ថាក្លឹប មិនអាចឈានដល់កិច្ចព្រមព្រៀង ចុះហត្ថលេខាខ្សែប្រយុទ្ធឆ្នើម Laurato Martinez ពី ក្លឹប Inter Milan រឺក៏ ខ្សែប្រយុទ្ធ Neymar ពីក្លឹប Paris Saint-Germain Neymar នៅរដូវក្តៅនេះទេ។
ទោះបីជាកីឡាករទាំងពីរបានក្លាយជាគោលដៅអាទិភាពក្នុងការផ្លាស់មកប្តូរទៅទឹកដី Camp Nou ក៏ប៉ុន្តែលោក Bartomeu បានសារភាពថាវិបត្តិហិរញ្ញវត្ថុរបស់ក្លិបដោយសារមេរោគកូវីត-១៩ធ្វើអោយក្លឹបជើងឯករង La Liga ប្រឈមភាពមិន ប្រាកដប្រជាដែលធ្វើអោយពួកគេមិនអាចបំពេញកិច្ចព្រមព្រៀងក្នុងការផ្ទេរកីឡាករយ៉ាងហោចណាស់១នាក់ក្នុងចំណោមកីឡាករសំខាន់ទាំងពីរខាងលើបាន។
ទោះបីជាបានសិទ្ធិពិសេសក្នុងការបំពេញការចុះហត្ថលេខាខ្សែប្រយុទ្ធ Martin Braithwaite ពី Leganes ដោយសារតែបញ្ហារបួសកីឡាករក្នុងក្លឹប ក៏ប៉ុន្តែBarcelona នៅតែព្យាយាមចិញ្ចឹមចិត្តចង់បានខ្សែប្រយុទ្ធដ៏មុតស្រួចមួយរូបបន្ថែមទៀតដើម្បីពង្រឹងក្រុម៕
ប្រភពព័ត៍មាន៖ Goal.com
