បរទេស៖ ខ្សែការពារ Jean-Clair Todibo របស់ក្រុមអ្នកមានបុណ្យ បាសេឡូណាបាន ធ្វើតេស្តិ៍រកឃើញមេរោគកូវីត -១៩ កាលពីថ្ងៃអង្គារយោងគេហទំព័រ Mundo Deportivo បានចុះផ្សាយ។ស្របពេលដែលក្រុមម្ចាស់ជើងឯករង La Liga កំពុងហ្វឹកហាត់ដើម្បីត្រៀមចូលរួម ការ ប្រកួតជាមួយជើងខ្លាំងអាឡឺម៉ង់គឺ Bayern Munich វគ្គ៤ក្រុមចុងក្រោយក្របខណ្ឌ Champion League នៅថ្ងៃសៅរ៏ចុងសប្តាហ៏នេះផងដែរ។
Todibo កីឡាករអន្តរជាតិបារាំងវ័យ២០ឆ្នាំរូបនេះ នឹងត្រូវស្នាក់នៅក្នុងផ្ទះដែលនៅដាច់ឆ្ងាយពីគេហើយត្រូវ ផ្អាកសកម្មភាពហ្វឹកហាត់ក្រោយពេលរកឃើញលទ្ធផលនេះជាផ្លូវការណ៏រួចមក។ កីឡាករដែលទើបតែត្រលប់ពីការលេងក្នុងលក្ខណ្ឌខ្ចីជើងជាមួយក្លឹប Schalke បានសរសេរ នៅលើគណនីធ្វីតធឺផ្ទាល់ខ្លួនថាៈ សួស្តីអ្នករាល់គ្នាខ្ញុំចង់ជូនដំណឹងដល់អ្នកទាំងអស់ថាខ្ញុំបានធ្វើតេស្ត៍វិជ្ជមានរកឃើញមេរោគរលាកផ្លូវដង្ហើមកូវីត – ១៩ ។ខ្ញុំពិតជាចង់ត្រលប់ទៅហ្វឹកហាត់វិញប៉ុន្តែខ្ញុំត្រូវតែនៅផ្ទះព្រោះមេរោគមួយនេះ៕
ប្រភពព័ត៍មាន៖ Tribuna
