បរទេស៖ ជាថ្មីម្តងទៀត Man United បានវិលត្រលប់មកតាមប្រម៉ាញ់ខ្សែបម្រើឆ្នើមក្លឹប Aston Villa គឺកីឡាករ Jack Grealish យោងគេហទំព័រ Daily Mailបានចុះផ្សាយ។ការចាប់ផ្តើមចរចារបានកើតមានឡើង បន្ទាប់ពីកីឡាករអន្តរជាតិអង់គ្លេសរូបនេះ បង្ហាញចេតនាចង់មានឪកាសលេងនៅក្របខណ្ឌកំពូលទ្វីប អឺរ៉ុប Champion League សម្រាប់រដូវកាលថ្មី ២០២០-២០២១ខាងមុខនេះ ។
ខ្សែបម្រើដែលបានបង្កើតឪកាសច្រើនក្នុងនាមខ្សែបម្រើនៅរដូវកាលមុន Grealish វ័យ២៤ មានតម្លៃខ្លួន ៧៥លានផោន នៅតែជាជម្រើសអាទិភាព ក្រោយពីម្ចាស់ជើងឯកអង់គ្លេស២០សម័យ កំពុងជួបភាព ជាប់គាំងក្នុងការផ្ទេរយក Jadon Sancho ពីក្លឹប Dormund នោះ។
បន្ទប់ពីអ្នកចាំទី Dean Henderson បានចុះកុងត្រាថ្មីកាលពីថ្ងៃពុធ Man United កំពុងត្រៀមផ្តល់ជូនកីឡាករ អ្នកចាំទីដែល Aston Villa តែងកោតសរសើរគឺ Sergio Romero និង Diogo Dalot អាចជាផ្នែកនៃការចរចារដោះដូរ បន្ទាប់ពីក្រុមរបស់គ្រូបង្វឹកលោក Dean Smith ចង់បានអ្នកចាំទីម្នាក់ និង ខ្សែការពារមួយរូបបន្ថែមទៀតដើម្បីស្តារទម្រង់លេងរបស់ក្រុមឡើងវិញ ក្រោយពីពួកគេស្ទើរតែធ្លាក់ ទៅលេងនៅក្របខណ្ឌ Championship វិញកាលពីរដូវកាលមុន។
ប្រភពព័ត៍មាន៖ Dailymail