បរទេស៖ លោក Jamie Carragher បានធ្វើការក្រើនរំលឹកដល់ ក្រុម Chelsea ថាពួកគេនឹងគ្មានលទ្ធភាពដើម្បីប្រជែងជាមួយ Liverpool និង Man City នៅរដូវកាលថ្មីនេះទេ ប្រសិន មិនទិញអ្នកចាំទីថ្មីមករួមក្រុមនោះទេ។រីឯអតីតខ្សែការពារ Man Utd លោក Gary Neville បាន បញ្ចេញទស្សនយល់ឃើញផងដែរថាលោក Frank Lampard បានចំណាយប្រាក់ពីការអនុម័ត្ររបស់ប្រធានក្លឹបគឺមហាសេដ្ឋីរុស្សីលោក Roman Abramovich ច្រើនបំផុតដើម្បីធ្វើការវិនិយោគនាំយកកីឡាករល្អៗដើម្បីប្រជែងពាននៅរដូវកាលថ្មី ។
Chelsea ដែលបានបញ្ចប់ចំណាត់ថ្នាក់លេខរៀងទី ៤ នៅក្របខ័ណ្ឌ Premier League កាលពីរដូវកាលមុននិងឈានដល់វគ្គផ្តាច់ព្រ័ត្រ FA Cup បានចំណាយប្រាក់ជាង ១០០ លានផោនរួចទៅហើយដើម្បីនាំយកកីឡាករ Hakim Ziyech, Timo Werner និង Ben Chilwell ។ ខ្សែការពារសញ្ជាតិប្រេស៊ីលនិងបារាំងគឺ Thiago Silva និង Malang Sarr ក៏បានមកដល់ទឹកដី Stamford Bridge ដោយគ្មានតម្លៃខ្លួន ខណៈខ្សែប្រយុទ្ធ Kai Havertz ស្ថិតយ៉ាងប្រកៀកក្នុងការផ្លាស់មករួមក្រុមផងដែរក្នុងតម្លៃ៨០លានផោន។
ក្នុងនាមអ្នកវិភាគកីឡាអតីតខ្សែការពារ Man Utd លោក Neville បានប្រាប់ទូរទស្សន៍ Sky Sports ថាៈ រយៈពេល ១៥ ឆ្នាំមកហើយដែលលោក Roman Abramovich ចង់បានក្រុមដែលពូកែនិងអស្ចារ្យបំផុត។ខ្ញុំគិតថា Frank Lampard បានធ្វើអោយគាត់មានកម្លាំងចិត្តឡើងវិញជាមួយកីឡាករឆ្នើមៗមកពីលីកកំពូលផ្សេងគ្នា ។ ពួកគេលេងតាមរបៀបផ្សេងគ្នានិង កាន់តែស្វាហាប់ហើយពិតជាល្អមើល។ ទោះបីមិនទាន់ទទួលបានទំនុកចិត្តជាងមុន នៅពេលក្រុមសម្បូរដោយកីឡាករក្មេងៗ និង របៀប លេងខុសៗគ្នា ប៉ុន្តែខ្ញុំគិតថានោះជាអ្វីដែលប្រធានក្លឹបចង់បាន៕
ប្រភពព័ត៍មាន៖ Metro