បរទេស៖ Gary Neville បានបង្ហើបប្រាប់ឈ្មោះអតីតមិត្តរួមក្រុម Wayne Rooney គឺជាខ្សែប្រយុទ្ធដែលរូបគេពេញចិត្តលេង ចាប់ដៃគូបំផុតកំលុងពេលប្រកបអាជីពជាមួយក្រុម ដែលរូបគេគាត់ធ្លាប់ប្រកបអាជីពនៅក្លឹបបិសាចក្រហម Manchester United នាពេលកន្លងមក។
គួរបញ្ជាក់កាលពីពេលថ្មីៗនេះ វីរបុរសដែលរកគ្រាប់បាល់បានច្រើនបំផុតសម្រាប់ក្រុមម្ចាស់ជើងឯកអង់គ្លេស២០សម័យ Rooney បានប្រកាសចូលនិវត្តន៍ពីអាជីពបាល់ទាត់នៅក្នុងវ័យ ៣៥ ឆ្នាំដើម្បីទទួលតួនាទីដឹកនាំក្រុមDerby County នៅក្របខ័ណ្ឌ Championship ជាអចិន្រ្តៃយ៏។
Neville បច្ចុប្បន្នក្នុងនាមជាអ្នកវិភាគកីឡាប្រចាំទូរទស្សន៏ Sky Sport បានបញ្ជាក់ប្រាប់យ៉ាងដូច្នេះថា៖ «សម្រាប់ខ្ញុំRooneyគាត់គឺជាខ្សែប្រយុទ្ធកណ្តាលឆ្នើមដែលខ្ញុំធ្លាប់លេងជាមួយក្នុងនាមខ្សែប្រយុទ្ធជួរមុខ ហើយ Cristiano Ronaldo បានលេងអមនិង គាំទ្រគាត់នៅក្បែរនោះគឺពិតជាក្រុមដែលល្អបំផុត ដែលខ្ញុំបានលេងជាមួយ»៕
ប្រភពព័ត៍មាន៖ Metro
