បរទេស៖ អតីតវីរបុរសរបស់ក្លឹបបិសាចក្រហម Manchester United លោក Gary Neville ជឿជាក់ថាក្តីសង្ឃឹមលើកពានលីគរបស់ក្លឹប Man United គឺពឹងផ្អែកទៅលើខ្សែបម្រើឆ្នើម Paul Pogba។
Neville បាននិយាយក្នុងទូរទស្សន៍ Sky Sports ថា “ខ្ញុំគិតថា Man Utd មានភាគរយមិនខ្ពស់ទេក្នុងការឈ្នះពានលីគរដូវកាលនេះ ខណៈ Man City និង Liverpool នៅតែជាក្រុមខ្លាំងជាងគេក្នុងលីគនោះ។ ប៉ុន្តែឱកាសតិចបែបនេះពួកគេអាចពឹកផ្អែកទៅលើកីឡាករដូចជា Paul Pogba បាន ដោយសារប៉ុន្មានប្រកួតចុងក្រោយនេះរូបគេពិតជាធ្វើបានល្អខ្លាំងណាស់”
Neville បានបន្តថា “គាត់ (Pogba) មានទំនុកចិត្ត, មានភាពក្រអើតក្រទម – ក្រអើតក្រទមក្នុងន័យត្រូវ, គាត់ជឿជាក់លើខ្លួនឯង។ គាត់គិតថាគាត់អាចលេងក្នុងការប្រកួតដ៏ធំបាន ហើយនិងអាចឈ្នះពានរង្វាន់, ការគិតក្នុងន័យវិជ្ជមានបែបនេះវាពិតជាល្អខ្លាំងណាស់ ប្រសិនអ្នកចង់ឈ្នះវាពិតមែន”៕
ប្រភពព័ត៍មាន៖ Sportsmole
