បរទេស៖ Dean Henderson បានបញ្ជាក់ថាខ្លួននឹងដាក់សម្ពាធលើ David de Gea ដើម្បីប្រជែងតំណែងអ្នកចាំទីដៃទី១នៅក្នុងក្រុមបិសាចក្រហម Man Utd អោយទាល់តែបាន នៅរដូវកាលថ្មីនេះ។ ក្រោយបង្ហាញទម្រង់លេងបានល្អបំផុត២ រដូវកាលចុងក្រោយ ក្នុងលក្ខណ្ឌខ្ចីជើងនៅក្រុម Sheffield United អ្នកចាំទីសញ្ជាតិអង់គ្លេស Henderson វ័យ ២៣ ឆ្នាំ កាលពីសប្តាហ៍មុនបានបន្តកុងត្រាថ្មីបន្តលេងនៅទឹកដី Old Trafford ដល់ឆ្នាំ ២០២៥ ។
គួរកត់សម្គាល់ថា អ្នកចាំទី De Gea មានវ័យ២៩ ឆ្នាំបានជាប់ ជម្រើសដំបូងចាប់តាំងពីផ្ទេរពី At Madrid មកនៅឆ្នាំ ២០១១ ប៉ុន្តែទម្រង់លេងរបស់គីឡាករអន្តរជាតិអេស្បាញ រយៈពេល២រដូវកាលចុងក្រោយបានធ្វើអោយអនាគតរបស់គេប្រឈមនិងភាពស្រពេចស្រពិល។
Henderson បានបញ្ជាក់យ៉ាងដូច្នេះថា៖ “តំណែងអ្នកចំាទីដៃទី១ជាអ្វីដែលខ្ញុំតែងចង់បាន។ ហើយឪកាសជិតដល់ហើយ ដូច្នេះខ្ញុំនឹងមិនចុះចាញ់ទេ។ ខ្ញុំគោរពដល់ De Gea ក្នុងនាមកីឡាករដ៏អស្ចារ្យម្នាក់សម្រាប់ក្លឹប។ ហេតុផលនេះហើយដែលខ្ញុំចង់ មានអាជីពវែងឆ្ងាយដូចគាត់ ហើយ សង្ឃឹមថាខ្ញុំនិងបង្ហាញខ្លួនហ្វឹកហាត់ត្រៀមបើករដូវកាល ដើម្បីជាប់ជម្រើសដំបូង៕
ប្រភពព័ត៍មាន៖ BBC
