ក្រុមចចកខ្មៅ Wolves កំពុងពិភាក្សាជាមួយក្រុមអ្នកមានបុណ្យ Barcelona ជុំវិញការចរចារផ្ទេរយកខ្សែការពារស្តាំសញ្ជាតិព័រទុយហ្កាល់ Nelson Semedo មកកាន់ក្របខណ្ឌ Premier League។
ក្រោយពីមទទទួលបានទឹកប្រាក់៤១ លានផោនពីការចាកចេញរបស់ខ្សែប្រយុទ្ធ Diogo Jota ទៅកាន់ក្រុមហង្សក្រហម Liverpool កាលពីថ្ងៃសៅរ៍កន្លងទៅ អ្នកចាត់ការទូទៅ Nuno Espírito Santo បានឆ្លៀតពេលនោះពន្យល់ប្រាប់ថារូបលោកចង់ចុះហត្ថលេខាខ្សែការពារម្នាក់មកជំនួសកីឡាករអន្តរជាតិអៀឡង់ Matt Doherty ដែលបានផ្ទេរទៅកាន់ក្រុមTottenhamកាលពីខែសីហា។ គ្រូបង្វឹកសញ្ជាតិព័រទុយហ្គាល់រូបនេះបានប្រាប់ប្រធានក្លឹបលោក Jeff Shi អំពីអត្តសញ្ញាណកីឡាករដែលរូបលោកចង់បាននោះគ្មាននរណាក្រៅពី Semedo វ័យ ២៦ ឆ្នាំដែលជាកីឡាករ កំពុងជួបអនាគតមិនទាន់ប្រាកដប្រជាជាមួយ នឹងគ្រូបង្វឹកថ្មី លោក Ronald Koeman ។
Semedo ធ្លាប់លេងបាន ១២៤ ប្រកួតអោយ Barcelona និងបង្ហាញខ្លួនបាន ១៣ ដងអោយម្ចាស់ជើងឯកទ្វីបអឺរ៉ុបបានត្រឹមអង្គុយកៅអីបម្រុងពេលក្រុមយក្សកាតាឡាន់ផ្តួល Elche ១ទល់និង០ កាលពីថ្ងៃសៅរ៍សប្តាហ៏មុន៕
ប្រភពព័ត៍មាន៖ BBC
