បរទេស៖ Dele Alli ត្រៀមនិងនៅបន្តលេងអោយក្រុមមាន់ខ្នាយមាស Tottenham នៅរដូវកាលថ្មីនេះបន្តទៀតបន្ទាប់ពីក្លឹបច្រានចោលសំណើរខ្ចីជើងក្នុងតម្លៃខ្លួន ១,៥ លានផោនសម្រាប់ខ្សែបម្រើជម្រើសជាតិអង់គ្លេសពីសំណាក់ក្លឹបជើងឯកបារំាង Paris Saint-Germain។
ទោះយ៉ាងណា ខ្សែប្រយុទ្ធប្រេស៊ីល Carlos Vinícius របស់ក្រុម Benficaវ័យ២៥ឆ្នាំ ត្រៀមនឹងចូលរួមជាមួយក្លឹប បន្ទាប់ពីក្លិបព័រទុយហ្កាល់យល់ព្រមលើតម្លៃខ្លួនប្រមាណ៣លានផោនក្នុងលក្ខណ្ឌ ខ្ចីជើង និងជម្រើសទិញផ្តាច់ជាអចិន្រ្តៃយ៏ក្នុងតម្លៃ៤៥ លានផោន ។
Alli ត្រូវបាន PSG បង្ហាញចំណាប់អារម្មណ៏ តាំងពីដើមខែកញ្ញាមុន ក្រោយមិនជាប់ជម្រើស១១នាក់ នៅក្នុងក្របខ័ណ្ឌ Premier League សម្រាប់ Spur ចាប់តាំងពីត្រូវបានប្តូរចេញនៅតង់ទី ១ នៅពេលប្រកួតជាមួយនឹងក្រុម Everton នៅថ្ងៃបើកឆាករដូវកាលថ្មីនេះ។ ចាប់តាំងពីពេលនោះមក កីឡាករវ័យ ២៤ ឆ្នាំរូបនេះបានបង្ហាញខ្លួនបានតែមួយដងប៉ុណ្ណោះគឺក្នុងការប្រកួត វគ្គជម្រុះ Europa League លើក្រុម Shkendija នៅម៉ាសេដូនៀកាលពីសប្តាហ៍មុន៕
ប្រភពព័ត៍មាន៖ The Guardian
