បរទេស៖ គ្រូបង្វឹក Luis Enrique បានបញ្ជាក់យ៉ាងច្បាស់ថាមិនទទួលយកការស្តីបន្ទោសពីនរណាម្នាក់ដែលស្តីបន្ទោសអ្នកចាំទី David de Gea ចំពោះលទ្ធផលបរាជ័យរបស់ក្រុមអេស្បាញក្រោមថ្វីជើងអ៊ុយក្រែនក្នុងការប្រកួតពានរង្វាន់ UefaNationLeague កាលពីយប់មិញ។ ការមិនស្គាល់ចាញ់ ១៥ ប្រកួតរបស់ក្រុមគោជល់អេស្បាញ បានឈានដល់ទីបញ្ចប់នៅទីក្រុងគៀវ ក្រោយការស៊ុតបាល់បញ្ចូលទីនៅនាទីទី៧៦តង់ទី២ពីរបស់កីឡាករក្រុមម្ចាស់ផ្ទះ Viktor Tsygankov។
ទោះបីជាម្ចាស់ជើងឯកទ្វីបអឺរ៉ុប២សម័យអេស្បាញមានឪកាសគ្រប់គ្រងបាល់ ៧២ភាគភាគរយនិងការប៉ុនប៉ងស៊ុតបញ្ចូលទីដល់ទៅ ២១ដងខណៈអ្នកចាំទី Georgi Bushchan រារាំងបាល់បាន ៨ដងខណៈអ៊ុយក្រែនមិនបានបង្កើតឱកាសវាយបកវិញបានច្បាស់លាស់នោះទេ។
ក្រោយបញ្ចប់ការប្រកួតអតីតគ្រូបង្វឹក Barcelona រូបនេះបាននិយាយការពារកូនក្រុមដែលជាអ្នកចាំទីដៃទី១ក្លឹបបិសាចក្រហមវ័យ ២៩ឆ្នាំរូបនេះថា៖ “អ្នកអាចរិះគន់ច្រើនជាងនេះ។ប៉ុន្តែជានិច្ចកាល ការស្តីបន្ទោសគាត់ (De Gea) គឺជាទម្លាប់អាក្រក់មួយ។ ប្រសិនការប្រកួតបែបនេះហើយ De Gea ត្រូវបានស្តីបន្ទោសសូមបញ្ចប់វាហើយយើងនឹងចាកចេញ”៕
ប្រភពព័ត៍មាន៖ Goal