បរទេស៖ ប្រភពពីគេហទំព័រ Football Insider បានចុះផ្សាយថាក្រុមTottenhamដែលមានមូលដ្ឋាននៅ ទីក្រុងឡុងដ៍កំពុងព្យាយាមបញ្ចុះបញ្ចូលខ្សែប្រយុទ្ធ Heung Ming Son ជាមួយនឹងប្រាក់បៀរវត្សប្រចាំឆ្នាំ មានចំនួនដល់ទៅ ១១.៥ លានអឺរ៉ូក្នុងមួយរដូវកាល។
ប្រភពខាងលើបន្តថាក្រុមរហស្សនាមមាន់ខ្នាយមាសមានបំណងរក្សាទុកខ្សែប្រយុទ្ធឆ្នើមក្រុមជម្រើសជាតិកូរ៉េខាងត្បូងរូបនេះ អោយបន្តលេងជាមួយក្លឹប រហូតដល់ឆ្នាំ ២០២៥។ មានន័យថាអតីតកីឡាករក្រុម Bayer Leverkusen រូបនេះត្រៀមទទួលកិច្ចសន្យាថ្មីមានសុពលភាពជាមួយក្លឹបរហូតដល់រូបគេឈានចូលវ័យ ៣៣ ឆ្នាំឯណោះស្របពេលកិច្ចសន្យាចាស់អស់សុពល ភាបនៅឆ្នាំ២០២៣ខាងមុខនេះ។
Son នៅតែដើរតួនាទីយ៉ាងសំខាន់សម្រាប់ ក្លឹប Tottenham Hotspur ក្នុងប៉ុន្មានឆ្នាំចុងក្រោយនេះ ស្របពេលរដូវកាលថ្មីគិតត្រឹមសប្តាហ៏ទី៦នេះរូបគេរកបានគ្រាប់បាល់ស៊ុតបញ្ចូលទីដល់ទៅ៨គ្រាប់ និងជាកីឡាករដែលកំពុងនាំមុខគេក្រោយផ្តួល Burnley កាលពីយប់មិញ និងបង្កើតឪកាសអោយមិត្តរួមក្រុមស៊ុតបញ្ចូលទី២គ្រាប់ផងដែរ៕
ប្រភពព័ត៍មាន៖ Besoccer