បរទេស៖ ខ្សែប្រយុទ្ធស្លាប Son Heung-min របស់ក្រុមមាន់ខ្នាយ Tottenham បានវិលត្រឡប់ទៅ កាន់ក្លឹប វិញមុនពេលកំណត់ ដើម្បីត្រៀមប្រកួតក្របខណ្ឌ Premier League នៅចុងសប្តាហ៏នេះបន្ទាប់ពីបំពេញកាតព្វកិច្ចអោយក្រុមជម្រើសជាតិ កូរ៉ខាងត្បូងប្រកួតមិត្តភាពផ្តួលក្រុមកាតាក្នុងលទ្ធផល២ទល់និង១។
ក្នុងការប្រកួតនេះSon រកបាន១គ្រាប់និងបង្កើតឪកាសមិត្តរួមក្រុមស៊ុតបាន១គ្រាប់ផងដែរ។ប្រភពពីគេហទំព័រ The Evening Standard បានអោយដឹងថាៈ Spurs បានប្រើប្រាស់យន្តហោះឯកជនទៅយករូបគេផ្ទាល់តែម្តង ដើម្បីត្រៀមប្រកួតនៅសៅរ៍ជាមួយ Man City ។ មុនវិលត្រលប់មកអង់គ្លេសវិញមានការព្រួយបារម្ភលើកឡើងថាកីឡាករវ័យ ២៨ ឆ្នាំរូបនេះនឹងត្រូវដាក់អោយនៅដាច់ដោយឡែកក្រោយត្រលប់ ពីទឹកដីកំណើតក្រោយផ្ទុះឡើងនូវមេរោគកូវីត-១៩នៅក្នុងក្រុមជម្រើសជាតិរបស់ខ្លួនតែទីបំផុត Son បានធ្វើតេស្ត៏រកឃើញលទ្ធផលអវិជ្ជមាន។
កាលពីដើមសប្តាហ៍កន្លងទៅនេះគ្រូបង្វឹកTottenhamលោក Jose Mourinho បានចោទសួរថាហេតុអ្វីបានជាបាល់ទាត់អន្តរជាតិនៅតែបន្តនៅខែវិច្ឆិកានេះស្របពេលកូនក្រុមរបស់លោកគឺខ្សែការពារ Matt Doherty បានធ្វើតេស្តវិជ្ជមានមេរោគកូវីត-១៩៕
ប្រភពព័ត៍ុឲមាន៖ Sportsmole