បរទេស៖ អតីតខ្សែប្រយុទ្ធក្រុម Man Utd កីឡាករ Dimitar Berbatov ជឿជាក់និងផ្តល់ការយល់ឃើញថា ការ សម្រេចចិត្តផ្លាស់ទៅលេងនៅកីឡាដ្ឋាន Old Trafford របស់ក្រុម បិសាចក្រហមជាទីកន្លែងដ៏ស័ក្តសមបំផុតសម្រាប់ Sergio Ramos បន្តអាជីពប្រសិនក្រុមអធិរាជស Real Madrid មិនសម្រេចបន្តកុងត្រាអោយប្រធានក្រុមរបស់ខ្លួនលេងនៅទឹកដី Santiago Bernabeu បន្ត ទៀតនោះទេ។
លោក Solskjaer នៅតែសម្លឹងរកឪកាសស្វែងរកខ្សែការពារម្នាក់ទៀត ដើម្បីចាប់ដៃគូជាមួយ Harry Maguire ដែលនៅតែមានចន្លោះប្រហោងរបូតគ្រាប់បាល់នៅតំបន់ដ៏សំខាន់របស់ក្រុមជាញឹកញាប់នៅឡើយនោះ។
គួរបញ្ចាក់ថាកិច្ចព្រមព្រៀងរបស់ខ្សែការពារកណ្តាលកាន់ឆ្នាំវ័យ ៣៤ ឆ្នាំរូបនេះ នឹងផុតកំណត់នៅចុងរដូវកាលនេះ ហើយមិនទាន់ឈានដល់ការបន្តកិច្ចព្រមព្រៀងថ្មីនៅឡើយទេ។ ក្រោយផ្ទេរពីក្លឹប Sevilla កាលពី១៥ឆ្នាំមុន Ramos បានជួយក្លឹបលើកពាន La Liga ៥ ដងនិងឈ្នះជើងឯក Champions League ចំនួន ៤ លើកនិងត្រូវបាន ចាត់ទុកថាជាខ្សែការពារដ៏ឆ្នើមជួរមុខរបស់ពិភពលោកជាមួយសមត្ថភាពទាត់បាល់ពិន័យ១១ម៉ែត្រដើម្បីរកគ្រាប់បាល់ផងដែរ៕
ប្រភពព័ត៍មាន៖ Metro
