បរទេស៖ លោក Jose Mourinho មានការជឿជាក់ និង បានប្រាប់ថាខ្លួនកំពុងបញ្ចុះបញ្ចូលខ្សែប្រយុទ្ធ Son Heung-min បញ្ចប់អាជីពរបស់ខ្លួនជាមួយក្រុមមាន់ខ្នាយមាស Tottenham ទោះបីរូបគេនៅមិនទាន់បន្តកិច្ចសន្យាថ្មីជាមួយ ក្លឹបនៅឡើយស្របពេលកិច្ចសន្យាចាស់មានសុពលភាពដល់ឆ្នាំ ២០២៣ ។
កីឡាករអន្តរជាតិកូរ៉េខាងត្បូងវ័យ ២៨ឆ្នាំរូបនេះ បានចំណាយពេលជាង ៥ ឆ្នាំមកហើយជាមួយក្លឹបមានមូលដ្ឋាននៅភាគខាងជើងទីក្រុងឡុងដ៏និង ជាសមាជិកសំខាន់បំផុត ដែលជួយក្រុមឈរនៅកំពូលតារាងនារដូវកាលថ្មីនេះ។ ១២ ប្រកួតនៅរដូវកាលថ្មីនេះSonបង្កើតឪកាសអោយមិត្តរួមក្រុមស៊ុតបញ្ចូលទីបាន ៤ គ្រាប់និង រកបានគ្រាប់បាល់ស៊ុតបញ្ចូលទីដល់ទៅ ១៨ គ្រាប់នៅក្របខណ្ឌ Premier league ក្រោមការដឹកនាំរបស់ លោក Jose Mourinho ។
មួយវិញទៀតទំនាក់ទំនងក្នុងការលេងចាប់ដៃគូគ្នារវាង Son និង Harry Kane កាន់តែលេងយល់ចិត្តគ្នា ក្រោយរកបានគ្រាប់បាល់រួមគ្នាដល់ទៅ ១២គ្រាប់ នៅក្របខណ្ឌ Premier League មានន័យថានៅសល់តែគ្រាប់បាល់ស៊ុតបញ្ចូលទី១គ្រាប់ទៀតនិងតាមស្មើកំណត់ត្រាកីឡាករដែលធ្លាប់លេងចាប់ដៃគូគ្នាគ្នានេះដែរគឺAlan Shearer និង Chris Sutton ក្នុងរដូវកាល ១៩៩៤-១៩៩៥នៅក្លឹប Blackburn Rover ។
គួរបញ្ជាក់ថា Liverpool និងត្រូវបើកទ្វារកីឡាដ្ឋាន Anfield ទទួលក្រុម Tottenham នៅសប្តាហ៏ទី១៣ ដើម្បីរកអោយឃើញក្រុមឈរកំពូលតារាងពិតប្រាកដខណៈពួកគេមានពិន្ទុស្មើគ្នា តែ Spur មានគ្រាប់ស៊ុតច្រើនជាងដល់ទៅ៥គ្រាប់៕
ប្រភពព័ត៍មាន៖ Goal