បរទេស៖ កីឡាករប្រវត្តសាស្រ្តក្លឹប Man Utd លោក Gary Neville បានពន្យល់ពីមូលហេតុដែលកីឡាករសំខាន់ពីររូបរបស់ក្រុមគឺBruno Fernandes និង Harry Maguire ជាកីឡាករដែលមិនអាចជំនួសបានសម្រាប់ក្រុមរាល់ពេលដាក់អោយពួកគេចូលលេង។
ខ្សែបម្រើ Fernandes របស់ព័រទុយហ្កាល់បានបង្ហាញទម្រង់លេងកាន់តែល្អប្រសើរក្រោយចាកចេញពី Sporting Lisbon ខណៈ ខ្សែការពារជម្រើសក្រុមជជម្រើសជាតិអង់គ្លេស Maguire ក៏នៅតែជាកីឡាករស្នូលសម្រាប់ក្រុម ក្រោយបំបែកកំណត់ត្រាតម្លៃខ្លួន៧៥ លានផោនផ្លាស់ពី Leicester City។ ទាំង Fernandes និង Maguire បានលេង ៩០ នាទីនៃការទទួលជ័យជម្នះនៅវគ្គផ្តាច់ព្រ័ត្រនៃកម្មវិធី Carabao Cup របស់ United លើក្រុម Everton កាលពីរាត្រីថ្ងៃពុធ។
Neville អតីតខ្សែការពារស្តាំក្រុមជម្រើសជាតិអង់គ្លេសបានប្រាប់ទូរទស្សន៏ក្នុងនាមអ្នកវិភាគកីឡាយ៉ាងដូច្នេះថាថា៖ “ខ្ញ្ញុំយល់ថា Fernandes និង Maguire មិនអាចជំនួសបានវាលែងតែពួកគេរបួស។គាត់បានបង្ហាញ ថាក្រុមមានចលនាគាំទ្រខ្លាំងនៅតំបន់បម្រើកណ្តាលរាល់ពេលបាល់នៅជាប់ជើងគាត់ និង រាល់ពេល បញ្ជូនទៅមិត្តរួមក្រុម។ រីឯ Maguire បានបញ្ជាក់ថារូបគេរឹងមាំឡើងវិញនិងជាជញ្ជាំងសម្រាប់ក្រុម ហើយប្រិយមិត្តពិតជាមានអារម្មណ៏ថានឹកនៅពេលអវត្តមានរូបគេម្តងៗ”៕
ប្រភពព័ត៍មាន៖ Metro