បរទេស៖ ខ្សែប្រយុទ្ធ Karim Benzema របស់ក្លិប Real Madrid នឹងត្រូវប្រឈមការជម្រះក្តី ពីបទគំរាមគំហែ ក្នុងករណីមួយដែលទាក់ទិន្ននឹងខ្សែអាត់វីដេអូសិចមួយ ដែលមានអតីតមិត្តរួមក្រុមជម្រើសជាតិអង់គ្លេសរបស់គេ Mathieu Valbuena។
នេះបើយោងទៅតាមការបញ្ជាក់របស់ក្រុមរដ្ឋអាជ្ញាកាលពីថ្ងៃព្រហស្បតិ៍។ Benzema វ័យ៣៣ឆ្នាំ ដែលមិនត្រូវបានជ្រើសរើសលេងឲ្យប្រទេសរបស់គេ បើគិតចាប់តាំងពីករណីនេះ បានផ្ទុះឡើក្នុងឆ្នាំ២០១៥នោះ ត្រូវបានបោទប្រកាន់ពីបទបានជួលមនុស្សមួយក្រុមដើម្បីគំរាមទារប្រាក់ពី Valbuena តាមរយៈការគំរាមថា នឹងបញ្ចេញខ្សែអាត់វីដេអូនោះជាធារណៈ។ ខ្សែប្រយុទ្ធសញ្ជាតិបារាំងរូបនេះ បានតវ៉ាថា មន្ត្រីប៉ូលិសម្នាក់បានប្រើប្រាស់នីតិវិធីដែលគ្មានភាពស្មោះត្រង់ ដើម្បីទាញឲ្យរូបគេធ្លាក់ចូលក្នុងរឿងអាស្រូវនេះ។
Valbuena ដែលបច្ចុប្បន្នលេងឲ្យក្លិបក្រិក Olympiakos បានទទួលការទាក់ទងតាមទូរសព្ទពីអ្នកគំរាមគំហែងម្នាក់ ដែលបានគំរាមបញ្ចេញវីដេអូសិចនេះ ហើយរូបគេក៏បានទាក់ទងទៅកាន់ប៉ូលិស។ Benzema បានស៊ុតបាល់បញ្ចូលទី២៦១គ្រាប់ សម្រាប់ក្លិប Real បើគិតចាប់តាំងពីចូលរួមជាមួយនឹងក្លិបយក្សអេស្ប៉ាញមួយនេះ ក្នុងឆ្នាំ២០០៩៕
ប្រភពព័ត៌មាន៖ Channel News Asia
