បរទេស៖ វីរបុរស និង ជាខ្សែប្រយុទ្ធប្រវត្តិសាស្រ្តក្រុមបិសាចក្រហមលោក Andy Cole បាននិយាយថា Jack Grealish គឺជាកីឡាករឆ្នើមម្នាក់ ប៉ុន្តែអតីតខ្សែប្រយុទ្ធក្រុមជម្រើសជាតិអង់គ្លេសរូបនេះយល់ឃើញថាក្រុមលោក Ole Gunnar Solskjaer មិនគួរចំណាយប្រាក់បំបែកកំនត់ត្រាដើម្បីចុះហត្ថលេខានាំយកកីឡាករនាំលេងរបស់ក្លឹប Aston Villa ដែលរកបាន៦គ្រាប់ និង បង្កើតឪកាស៩គ្រាប់នៅរដូវកាលនេះមករួមក្រុមនោះទេ។
ជាថ្មីម្តងទៀតម្ចាស់ជើងឯកអង់គ្លេស២០សម័យចាប់អារម្មណ៏ចង់នាំយកកីឡាកររវ័យ ២៥ ឆ្នាំរូបនេះកំលុងពេលទីផ្សារដោះដូរកីឡាករកំពុងបើកជាលើកទី២នៅខែមករានេះ ក្រោយពីMan.Utd ធ្លាប់សម្តែងការចាប់ អារម្មណ៏ ១២ ខែមុនពេលក្លឹបផ្ទេរពី Bruno Fernandes ពីក្លឹប Sporting CPទៅទៀត។
Cole បានបញ្ជាក់ប្រាប់គេហទំព័រ Talk Sport យ៉ាងដូច្នេះថា៖ “តើយើងនិងដាក់អោយគាត់លេងនៅចំនុចណា? បើយើងមើលទៅទីតាំងដែល Bruno កំពុងលេង វាក៏ជាចំនុចដែលGrealish ចូល ចិត្តដូចគ្នា។ ប៉ុន្តែប្រសិនជាយើងដាក់អោយគាត់លេងនៅស្លាបឆ្វេងវានិងជាន់តួនាទីគ្នាជាមួយ Rashford”៕
ប្រភពព័ត៍មាន៖ Goal
