បរទេស៖ លោក Michel Moulin បេក្ខជនប្រធានសហព័ន្ធបាល់ទាត់បារាំង (FFF) និយាយថាលោកនឹងទាមទារឱ្យមានការ កោះហៅខ្សែប្រយុទ្ធជើងចាស់ Karim Benzema អោយមកជួយក្រុមជម្រើសជាតិវិញទោះបីខ្សែប្រយុទ្ធក្រុមអធិរាជស Real Madrid បានប្រឈមនឹងរឿងអាស្រូវជុំវិញករណីបង្កអំពើហិង្សា ជាមួយអតីតមិត្តរួមក្រុមបារាំងក៏ដោយ។
លោក Moulin ស្ថិតក្នុងចំណោមបេក្ខភាពដែលកំពុងប្រជែងតំណែងលោក Noel Le Graet ដែលកំពុងកាន់កាប់តំណែងនេះ។ ទោះយ៉ាងណាបុរសវ័យ៦១ឆ្នាំ បានធ្វើការប្តេជ្ញាចិត្តហើយលោកបានសន្យាថាលោកនឹងធ្វើការដើម្បីស្តារកេរ្តិ៍ឈ្មោះ Benzema នៅក្នុងក្រុមជម្រើសជាតិមាន់គកបារាំងឡើងវិញ។
ខ្សែប្រយុទ្ធឆ្នើមរបស់ក្រុមអធិរាស Real Madrid កីឡាករ Benzema វ័យ៣៣ឆ្នាំរូបនេះមិនដែលបានបង្ហាញខ្លួនចូលលេងអោយក្រុមជម្រើសជាតិក្រោមការដឹកនាំរបស់គ្រូបង្វឹកលោកDidier Deschamp នោះទេ ចាប់តាំងពីខែវិច្ឆិកាឆ្នាំ ២០១៥ក្រោយធ្លាប់បង្ហាញខ្លួន ៨១ លើករួចមក៕
ប្រភពព័ត៍មាន៖ Goal
