បរទេស៖ ខ្សែប្រយុទ្ធជើងចាស់ Jamie Vardy របស់ក្លិប Leicester City នឹងត្រូវធ្វើការវះកាត់ជំងឺក្លូនខណៈដែលក្រុមកញ្ជ្រោងខៀវរំពឹងថាកីឡាករអន្តរជាតិអង់គ្លេសរូបនេះ នឹងត្រូវសម្រាកមិនអាចជួយក្រុមចន្លោះពីពីរទៅបីសប្តាហ៏។
កីឡាករដែលរកបានគ្រាប់បាល់ ១១ គ្រាប់បច្ចុប្បន្នមាន វ័យ ៣៤ ឆ្នាំរូបនេះនៅតែជាសមាជិកដ៏សំខាន់ ដែលបានជួយក្រុមបច្ចុប្បន្នឈរនៅលេខរៀងទី៣ក្របខណ្ឌ Premier League រដូវកាលនេះ ។
ទោះបីអវត្តមានរបស់Vardy ប៉ុន្តែគ្រូបង្វឹកលោក Rodgers ទទួលស្គាល់ថាខ្សែប្រយុទ្ធនៅស្លាបខាង ឆ្វេង២រូបគឺ កីឡាករអន្តរជាតិអេស្បាញ Ayoze Perez និងកីឡាករសញ្ជាតិនីហ្សេរីយ៉ា Kelechi Iheanacho រវាងពួកគេទាំងពីរនិងត្រូវមានភារកិច្ចជួយក្រុមអោយកាន់តែខ្លាំងក្លាបន្តទៀតទោះបីរដូវកាលនេះពួកគេ រកបានគ្រាប់បាល់បញ្ចូលទីតែម្នាក់១គ្រាប់យ៉ាងណាក៏ដោយ៕
ប្រភពព័ត៍មាន៖ BBC