បរទេស៖ ខ្សែការពារ Sergio Ramos ត្រូវបានគេរាយការណ៍ថាត្រៀមខ្លួនរួចជាស្រេចក្នុងការចាកចេញពីក្លឹប Real Madrid ហើយគោលដៅបន្ទាប់របសគេអាចជាក្លឹបបិសាចក្រហម Manchester United។
កុងត្រាបច្ចុប្បន្នរបស់ Sergio Ramos នៅក្លឹប Real Madrid នឹងត្រូវផុតនៅមិថុនានេះហើយ ខណៈការចរចារកុងត្រាថ្មីនេះត្រូវគេជឿជាក់ថាបានបរាជ័យហើយ។
ក្លឹប Paris Saint Germain គឺមានពាក្យចរចាមរាមខ្លាំងទាក់ទងនឹងការផ្ទេរខ្សែការពារវ័យ៣៤ឆ្នាំរូបនេះទៅកាន់ក្លឹបខ្លួន ប៉ុន្តែបើយោងតាមសារព័ត៍មាន The Mirror បានចុះផ្សាយថាខ្សែការពាររូបនេះនឹងមិនទៅចូលរួមជាមួយនឹង PSG ទេ។ សារព័ត៍មានដដែលបានអះអាងថា Ramos ក៏បានបដិសេធពីក្លឹបមួយចំនួននៅតំបន់អាសុីផងដែរ ខណៈសមីខ្លួនមានបំណងចង់មកលេងនៅ Premier League ហើយរូបគេទំនងជាផ្ទេរទៅកាន់កីឡដ្ឋាន Old Trafford៕
ប្រភពព័ត៍មាន៖ Sportsmole