បរទេស៖ Karim Benzema អាចខកខានបង្ហាញខ្លួនសម្រាប់ការប្រកួត Champions League ទល់នឹង Atalanta នៅសប្តាហ៍ ក្រោយបន្ទាប់ពីគ្រូបង្វឹកលោក Zinedine Zidaneបញ្ជាក់ថាខ្សែប្រយុទ្ធដ៏សំខាន់រូបនេះបានរងរបួសកាលពីថ្ងៃសុក្រ។ Benzema ក៏បានខក ខានការហ្វឹកហាត់កាលពីព្រឹកថ្ងៃសុក្រ ស្របពេលគ្រូបង្វឹកសញ្ជាតិបារំាងរូបនេះលើកឡើង ថាកីឡា ករវ័យ៣៣ឆ្នាំរូបនេះ និង មិនអាចចូលលេងការប្រកួតក្របខណ្ឌ La Liga នៅថ្ងៃសៅរ៍ជាមួយក្រុម Real Valladolid បានទេ។
ក្រុមការពារតំណែងជើងឯកនៅមិនទាន់បានបញ្ជាក់ពីស្ថានភាពរបួសរបស់ Benzema ក្លឹបមិនទាន់បញ្ជាក់ពីបញ្ហាជាក់លាក់នៅឡើយ។ នៅក្នុងសន្និសីទកាសែតមុនជំនួបនៅថ្ងៃសៅរ៏នេះលោកZidane បានបញ្ជាក់យ៉ាងដូច្នេះថា: គាត់នឹងមិននៅថ្ងៃ ស្អែកទេ។ យើងនឹងជួបគ្នានៅសប្តាហ៍ក្រោយ។យើងនិងប្រកួតដោយគ្មាន គាត់ (Benzema )តែអ្វីដែលសំខាន់បន្តទៀតគឺ អវត្តមាន ជើងទី ១ នៃក្របខ័ណ្ឌ Champions League វគ្គ ១៦ ក្រុមចុងក្រោយនៅថ្ងៃពុធនេះនឹងក្លាយជាបញ្ហាប្រឈមធំមួយ។
ទោះបីមានវ័យជ្រេបន្តិចប៉ុន្តែ Benzema នៅតែបញ្ចេញសមត្ថភាពរកបាន១៧ គ្រាប់គ្រប់ប្រកួតទាំងអស់នៅរដូវកាលនេះនិងបានស៊ុតបញ្ចូលទី ២ ប្រកួតជាប់គ្នាក្នុងការបង្ហាញខ្លួនលើកចុងក្រោយ ខណៈReal Madrid ឈរនៅចំណាត់ថ្នាក់លេខ២មានគម្លាត៦ពិន្ទុប៉ុណ្ណោះពីក្រុមនាំមុខតារាង At.Madrid៕
ប្រភពព័ត៍មាន៖ Besoccer
