បរទេស៖ ក្លឹប Real Madrid ត្រូវបានគេរាយការណ៍ថានៅតែតែពិភាក្សាជាមួយប្រធានក្រុម Sergio Ramos ជុំវិញកិច្ចសន្យាថ្មី។
កិច្ចសន្យាបចុប្បន្នរបស់ខ្សែការពារសញ្ជាតិអេស្ប៉ាញរូបនេះនឹងត្រូវផុតសុពលភាពនៅចុងខែមិថុនានេះហើយ ខណៈក្លឹប Manchester United និង Paris Saint-Germain កំពុងតែតាមដានស្ថានភាពរបស់ខ្សែការពាររូបនេះនៅក្លឹប Real Madrid។ បច្ចុប្បន្ន Ramos កំពុងស្ថិតក្នុងស្ថានភាពរបួសជង្គង់ ប៉ុន្តែរូបគេនៅតែជាកីឡាករសំខាន់ម្នាក់សម្រាប់ក្រុមរបស់លោក Zinedine Zidane នៅរដូវកាល២០១៩/២០នេះ។
បើយោងទៅតាម Marca បានអោយដឹងថា Real Madrid នៅតែបន្តកិច្ចចរចារកុងត្រាថ្មីជាមួយនឹង Sergio Ramos នៅឡើយទេ ខណៈពួយគេរំពឹងថាខ្សែការពាររូបនេះនឹងព្រមចុះកិច្ចសន្យាថ្មីនៅសប្តាហ៍ក្រោយ៕
ប្រភពព័ត៍មាន៖ Sportsmole