បរទេស៖ វីរបុរសរបស់ក្លឹបបិសាចក្រហម Manchester United លោក Paul Scholes បានជម្រុញអោយក្លឹប Man United ព្យាយាមចុះកុងត្រាលើកីឡាករវ័យក្មេងដែលពោលពេញទៅដោយទេពកោសល្យ Erling Haaland ជាជាងខ្សែប្រយុទ្ធឆ្នើមរបស់ Hotspur កីឡាករ Harry Kane។

2

អ្នកចាត់ទូទៅរបស់ Man Utd លោក Ole Gunnar Solskjaer បានបដិសេធឆ្លើយនឹងសំនួរដែលទាក់ទងនឹងការនាំយក Haaland មកកាន់ទឹកដី Old Trafford ប៉ុន្តែប្រសិនបើខ្សែប្រយុទ្ធឆ្នើមរបស់ពួកគេ Edinson Cavani សម្រេចចិត្តចាកចេញនៅរដូវក្តៅខាងមុខនេះ។ ពួកគេត្រូវបានគេរំពឹងថានឹងនាំយកខ្សែប្រយុទ្ធកណ្តាលថ្មីម្នាក់ដើម្បីត្រៀមសម្រាប់រដូវកាលក្រោយ។

លោក Paul Scholes បាននិយាយក្នុង Webby & O’Neill ថា៖ «ដំបូង និងសំខាន់បំផុត, ពួកគេត្រូវការខ្សែប្រយុទ្ធលេខ៩។ ខ្ញុំគិតថាខ្សែប្រយុទ្ធដែលពួកគេមានក្នុងពេលបច្ចុប្បន្ននេះល្អហើយ ​ប៉ុន្តែពួកគេទាំងអស់នោះសុទ្ធគឺខ្សែប្រយុទ្ធដែលសាកសមពាក់លេខ៩ តើអ្នកពួកគេគឺជាខ្សែប្រយុទ្ធស្លាប? អ្នកពិតជាមិនអាចយល់ពីវាបានទេ។ នៅពេលដែល Cavani លេង គាត់មើលទៅមិនអីទេ ប៉ុន្តែគាត់ទទួលរងរបួសពីរបីដង។ គាត់ឈានដល់អាយុប៉ុណ្ណឹង វាទាំងអស់នេះវានឹងកើតឡើង។ ពួកគេត្រូវការខ្សែប្រយុទ្ធតែងតែបង្ហាញជាប់លាប់សម្រាប់ពួកគេ។ ខ្ញុំដឹងថា Haaland ត្រូវបានគេយកមកនិយាយជាច្រើន ដូចនេះគាត់នឹងមានតម្លៃខ្លួនខ្ពស់។ Harry Kane នៅ Spur ក៏មានពាក្យចរចាមរាមថាគាត់នឹងចាកចេញនៅរដូវក្តៅខាងមុខផងដែរ។ ខ្ញុំគិតម្នាក់ក្នុងចំណោមពួកគេ, អ្នកត្រូវតែជ្រើរើសយកម្នាក់ក្នុងចំណោមពួកគេទាំង២នាក់ ប៉ុន្តែប្រសិនបើខ្ញុំជាអ្នកជ្រើរើសខ្ញុំនឹងយក Haaland ទាំងអាយុ ទាំងសមត្ថភាព គាត់ថែមទាំងធ្លាប់លេងក្រោយការដឹងនាំរបស់លោក Ole ពីមុនមកថែមទៀតផង»៕

ប្រភពព័ត៍មាន៖ Sportsmole