បរទេស៖ ក្លឹប PSG ជាថ្មីម្តងទៀតបានបើកចំហឪកាសលក់ខ្សែប្រយុទ្ធ Kylian Mbappe ក្នុងតម្លៃខ្លួនមួយខ្ពស់គួរសមនៅពេលទីផ្សារដោះ ដូរកីឡាករនិងបើកនៅពេលបញ្ចប់រដូវកាលនេះ។
សមាជិកជ័យលាភី World Cup២០១៨ វ័យ ២២ ឆ្នាំ បានដើរតួនាទីជាម៉ាស៊ីនរកគ្រាប់បាល់ដ៏សកម្មសម្រាប់ក្លឹបដោយរកបាន ១២០ គ្រាប់ក្នុងការបង្ហាញខ្លួន ១៦០ ប្រកួតក្រោយចាកចេញពី Monaco កាលពីឆ្នាំ២០១៨។ ក្នុងនោះដែរគឺ Mbappe រកបាន ៣០ គ្រាប់ហើយសម្រាប់៣៦ លើកគ្រប់ក្របខណ្ឌប្រកួតនៅរដូវកាលនេះ ក្នុងនោះដែរ៦គ្រាប់ បញ្ចូលទី និងបបង្កើតឪកាសបញ្ចប់ទីបាន ៣ លើកក្នុងការបង្ហាញខ្លួន ៧ ដងនៅក្របខណ្ឌ Champions League។ គេហទំព័របារាំង Le Parisien បានចុះផ្សាយថាៈថ្នាក់ដឹកនាំក្លឹប រួមទាំងនាយកផ្នែកកីឡាលោក Leonardo និងប្រធានក្លឹប Nasser Al-Khelaifi កំពុងពិចារណាបញ្ចុះតម្លៃខ្លួន Mbappe ដែលមិនតិចជាង១០០លានផោននោះទេដើម្បីដាក់លក់រូបគេនាពេលខាងមុខនេះ។
កិច្ចសន្យារបស់ Mbappeជាមួយក្រុមម្ចាស់ជើងឯកLigue-១បារាំង នឹងត្រូវផុតកំណត់នៅរដូវក្តៅឆ្នាំក្រោយ ស្របពេលមានពត៌មានចុះផ្សាយថា Liverpool និង Real Madrid ប្តេជ្ញា និង កំពុងប្រជែងចុះកុងត្រាជាមួយកីឡាករអន្តរជាតិបារាំងរូបនេះមករួមក្រុមរបស់ពួកគេ។គួរបញ្ជាក់ថាខ្សែប្រយុទ្ធដែលប្រើប្រាស់ល្បឿនលឿនរូបនេះធ្លាប់ព្រលយពាក្យចង់ចាកចេញពីក្លឹបបន្ទាប់ពីហត់នឿយ និងការ រិះគន់ពីប្រព័ន្ធផ្សព្វផ្សាយរបស់បារាំង៕
ប្រភពព័ត៍មាន៖ Sportsmole
