បរទេស៖ ក្តីសុបិន្តរបស់ Kylian Mbappe បានក្លាយជាការពិតបន្ទាប់ពីការប្រកួតបញ្ចប់វគ្គសន្សំពិន្ទុក្នុងពូលពានរង្វាន់ទ្វីបអឺរ៉ូ២០២០រវាងព័រទុយហ្កាល់និងបារាំង។ ខ្សែប្រយុទឆ្នើមPSGរូបនេះមិនត្រឹមតែបំពេញក្តីសុបិនត្តទល់និងវីរបុសរបស់ខ្លួន(Idol)តាំងពីកុមារភាពគឺ Cristiano Ronaldoប៉ុណ្ណោះទេ ប៉ុន្តែប្រធានក្រុមព័រទុយហ្កាល់បានសម្រេចបំណងដោយផ្លាស់ប្តូរឯកសណ្ឋានអាវជាមួយខ្លួនបន្ទាប់ពីបញ្ចប់ការប្រកួតក្នុងលទ្ធផលស្មើគ្នា២ទល់និង២។
គួររំលឹកថាMbappe មិនដែលលាក់បាំងនូវការការកោតសរសើររបស់ខ្លួនចំពោះរៀមច្បង Cristiano Ronaldo នោះទេ។ សមាជិកជ័យលាភីWorld Cup ២០១៨រូបនេះ។អ្វិដែលជាភស្តុតាងនោះគឺMbappe បានបិទតាំងរូបរបស់ម្ចាស់ពានបាល់ មាស៥សម័យវ័យ៣៦ឆ្នាំរូបនេះនៅពេញបន្ទប់គេងរបស់ខ្លួនតែម្តង។
កីឡាករទាំងពីរបានចាកចេញពីទីលានប្រកួតជាមួយការសន្ទនាជាមួយគ្នាប្រកបដោយស្នាមញញឹមខណៈរវាងក្រុមទាំងពីរបានបំពេញលក្ខណៈគ្រប់គ្រាន់សម្រាប់ត្រៀមទៅចូលរួមការប្រកួតវគ្គ ១៦ ក្រុមចុងក្រោយ ខណៈព័រទុយហ្គាល់ ត្រូវជួបបែលហ្សិក រឺឯបារាំងនិងជួបស្វីសនៅថ្ងៃទី២៩មិថុនា ២០២១ដូចគ្នាតែម្តង៕