បរទេស៖ ការពិត Kylian Mbappe បានបង្ហាញពីចេតនាមិនចង់បន្តកុងត្រាជាមួយក្លឹប PSG បន្តទៀតទេ ក៏ព្រោះតែខ្លួនធ្លាប់បាន ប្រាប់ក្លឹបដែលជាការឆ្លើយតបទៅនិងកិច្ចខិតខំប្រឹងប្រែងបញ្ចុះបញ្ចូលឱ្យបន្តលេងនៅទឹកដីParc Des Princes ទៀតយ៉ាងណាក៏ដោយ ។
ប្រភពពីគេហទំព័រអេស្បាញ AS បានអោយដឹងថាៈខ្សែប្រយុទ្ធឆ្នើមជួរមុខរូបនេះ មានបំណងចង់ផ្លាស់ប្តូរអាជីពនៅលីកកំពូលផ្សេងពី Ligue-១ ហើយសង្ឃឹមថាក្លឹបចង់ដែលចង់បានរូបគេកន្លងមកគឺអធិរាជស Real Madrid និងបង្កើនការផ្លាស់ប្តូរអាកប្បកិរិយារបស់ពួកគេហើយដាក់សម្ពាធលើក្លឹបបារាំងជាមួយនិងការបង្កើនទឹកប្រាក់ដេញថ្លៃដើម្បីផ្ទេរយកសមាជិកជ័យលាភីWorld Cup ២០១៨រូបនេះមករួមក្រុមមុនរដូវកាលថ្មីLa Liga ចាប់ផ្តើម ។
គួរបញ្ជាក់ថាកិច្ចសន្យារបស់កីឡាករវ័យ២២ឆ្នាំរូបនេះនៅមានសុពលភាពជាមួយក្លឹបដល់ខែមិថុនាឆ្នាំ២០២២ ខណៈដែល អតីតកីឡាករMonaco រូបនេះនៅមិនទាន់បានគិតច្បាសលាស់ ដល់កិច្ចសន្យាដែលហួសកាលបរិច្ឆេទនោះទេហើយរូបកគេជឿជាក់ថាក្លឹបដែលជាអាណាព្យាបាលរបស់ខ្លួននឹងយល់ពីចំនុចនេះ។
ប្រភពខាងលើបន្តថា PSGននិងមិនបោះបង់Mbappeដោយងាយៗនោះទេ ហើយត្រៀមនិងធ្វើអ្វីៗគ្រប់យ៉ាង ដើម្បីឱ្យ Mbappe បន្តការស្នាក់នៅក្លឹបជាច្រើនឆ្នាំទៅមុខទៀត នោះគឺការផ្តល់ប្រាក់ឈ្នួលប្រចាំថ្ងៃ/ខែ/ឆ្នាំ ដូចគ្នានឹង Neymar ដែលជាកីឡាករដែលទទួលបានប្រាក់ខែច្រើនបំផុតនៅក្នុងក្រុមតាមដែលអាចធ្វើទៅបាន៕
ប្រភពព័ត៍មាន៖ Besoccer