បរទេស៖ អ្នកចាំទី Jan Oblak របស់ក្លឹប Atletico Madrid នៅតែជាតម្រូវការចង់បានសម្រាប់ក្លឹបបិសាចក្រហម Man Utd បើទោះបី David de Gea និង Dean Henderson កំពុងបញ្ចេញសមត្ថភាពប្រជែងគ្នាដណ្តើមតំណែងអ្នកចាំទីដៃទី១ សម្រាប់ក្រុមយោងគេហទំព័រ 90min បានចុះផ្សាយ។
Oblak អ្នកចាំទីសញ្ជាតិស្លូវើនៀបានចំណាយពេលប្រកបអាជីពនៅទឹកដី Wanda Metropoliltano ដែលជារាជធានីប្រទេសអេស្បាញអស់រយៈពេល៧ រដូវកាលមកហើយនោះ អាចនិងសម្រេចចិត្តចាកចេញប្រសិនដំណើរការចរចារ ដោយមានសំណើរសមរម្យកើតមានឡើងរវាងភាគីទាំងពីរនាពេលឆាប់ៗខាងមុខ។ បច្ចុប្បន្នក្រុមម្ចាស់ជើងឯក២០សម័យ កំពុងបន្តត្រៀមផ្តល់តួនាទីអ្នកចាំទីជម្រើសទី ១ ដល់Henderson បន្តអោយចូលលេងសម្រាប់ការប្រកួតដែលនៅសល់ ក្រោយបង្ហាញខ្លួនលើកចុងក្រោយបំផុតជាមួយBrighton នៅលីកកំពូលអង់គ្លេស ខណៈ De Gea ចូលលេងពេលឈ្នះGranadaនៅ Europa League។
បច្ចុប្បន្ន De Gea មានប្រាក់ឈ្នួលពលកម្មថ្លៃបំផុតក្នុងពិភពបាល់ទាត់គឺ៣៧,៥០០០ផោន ខណៈអតីតកីឡាករAt.Madridរូបនេះកំពុងត្រូវបាន ក្លឹបMan.Utdនិង ជម្រើសជាតិអេស្បាញសិក្សាពីសមត្ថភាពចូលលេងរបស់គាត់នៅឆ្នាំបន្ទាប់រឺយ៉ាងណា? ផ្ទុយទៅវិញ De Gea ខ្លួនឯងក៏កំពុងសម្លឹងឪកាសវិលត្រលប់ទៅស្រុកកំណើតវិញដើម្បីរស់នៅជួបជុំប្រពន្ធកូន ក្រោយចាកចេញមកអង់គ្លេស តាំងពីឆ្នាំ២០១១។ ម៉្យាងវិញទៀតDe Gea ទើបតែត្រូវ បានក្លឹបMan.Utdអនុញ្ញាតិអោយទៅ សួរសុខទុក្ខភរិយាដែលទើបតែសំរាលបុត្រីកាលពីពេលថ្មីៗនេះ៕
ប្រភពព័ត៍មាន៖ 90min