បរទេស៖ Dimitar Berbatov បានជ្រើសយកក្រុម Chelsea និងអាចឈានទៅវគ្គផ្តាច់ព្រ័ត្រ UEFA Champions League សម្រាប់ការប្រកួតជើងទី២ដែលនិងធ្វើឡើងនៅរាត្រីថ្ងៃពុធឈានចូលថ្ងៃព្រហស្បត្ត៏ក្នុងនាមជាម្ចាស់ផ្ទះ។ អតីតខ្សែប្រយុទ្ធប្រវត្តិសាស្រ្ត ក្លឹបបិសាចក្រហម Man Utd ជឿជាក់ថា Chelsea និងវាយបកដើម្បីកក់កៅអីទៅកាន់វគ្គផ្តាច់ព្រ័ត្រជាលើកដំបូងគិតចាប់តាំងពីឆ្នាំ២០១២ ក្រោយស្មើគ្នាកាលពីជើងទី១ក្នុងលទ្ធផល ១ទល់និង១ នៅឯកីឡដ្ឋាន Estadio Alfredo di Stefano កាលពីសប្តាហ៍មុន។
មានន័យថាChelsea ត្រឹមតែការពារមិនអោយក្រុមគូបដិបក្សរបស់ខ្លួនស៊ុតបញ្ចូលទីត្រឹមតែ០ទល់និង០បាននោះពួកគេ នឹងឈានទៅប្រកួតវគ្គផ្តាច់ព្រ័ត្រនៃក្របខ័ណ្ឌ Champions League លើកទី ៣ បានហើយ។
អតីតខ្សែប្រយុទ្ធក្រុមជម្រើសជាតិប៊ុលហ្គារីបានប្រាប់គេហទំព័រ Betfair ថា «Chelsea គឺជាក្រុមដែលល្អនៅក្នុងកាលៈទេសៈនេះ ប៉ុន្តែ Berbatov បានក្រើនរំលឹក ក្រុមតោខៀវថា អ្វីៗអាចនិងផ្លាស់ប្តូរបានប្រសិនខ្សែការពារពួកគេមិនបានយកចិត្តទុកដាក់ និងបង្កការរំខាន ដល់ខ្សែប្រយុទ្ធចាស់វស្សា Karim Benzema នោះទេ អ្វីៗអាចនិងផ្ទុយពីការរំពឹងទុកនេះ»៕
ប្រភពព័ត៍មាន៖ Sportskeda
