បរទេស៖ Barcelona នៅតែមានគំរោងចុះហត្ថលេខានាំយក Memphis Depay មកកាន់ទឹកដី Camp Nou នៅរដូវក្តៅនេះបើទោះបីជាក្លឹបកំពុងឈានដល់កិច្ចព្រមព្រៀងផ្ទេរយកខ្សែប្រយុទ្ធ Sergio Aguero ពីក្រុម Man. City នៅក្នុងការផ្ទេរដោយគ្មានតម្លៃខ្លួនបន្ទាប់ពីខ្សែប្រយុទ្ធជើងចាស់រូបនេះអស់សុពលភាពជាមួយក្លឹប Man Cityនៅបញ្ចប់រដូវកាលនេះក៏ដោយ។
កីឡាករវ័យ ២៧ ឆ្នាំរូបនេះក៏បានបដិសេធមិនព្រមបន្ត កុងត្រាថ្មីបន្ទាប់ពីចំណាយពេល ៤ ឆ្នាំជាមួយក្លឹបក្រោយចាកចេញពីទឹកដីOld Trafford។ ប្រភពពីគេហទំព័រ AS បានចុះផ្សាយថាៈ ក្លឹបយក្សកាតាឡាន់ប្តេជ្ញានឹងបន្តការចរចារចុះកុងត្រាជាមួយ ខ្សែប្រយុទ្ធក្រុមជម្រើសជាតិហូឡង់រូបនេះស្របពេលដែលរូបគក៏ឈានដល់ការផ្ទេរដោយគ្មានតម្លៃខ្លួនដោយឥតគិតថ្លៃផងដែរនៅចុងខែមិថុនាខាងមុខនេះក្រោយពីខកខាន កាលពីរដូវក្តៅមុន។
យ៉ាងណាមិញអតីតខ្សែប្រយុទ្ធ.Utdរូបនេះនៅតែបង្ហាញទម្រង់លេងបានល្អសម្រាប់ Lyon ដោយរកគ្រាប់បាល់ស៊ុតបញ្ចូលទីបាន ២១ គ្រាប់និងបង្កើតឪកាសបញ្ចប់ទីបាន ១០ ដងក្នុងការបង្ហាញគ្រប់ក្របខណ្ឌប្រកួតសរុប ៣៨ លើកនៅរដូវកាលនេះ៕
ប្រភពព័ត៍មាន៖ Sportsmole
